مين انتخبت؟وليش؟!..

saleh_ak كتب:

.............يلا مو مشكلة.............

............خيرها بغيرها..............

.....و ولا تزعلي ولا ع بالِك......

___________________

........اما انا ما انتخبت ولا بدي انتخب ولا رح انتخب في اي يوم من الايام.......

____________________________

عارفين ليه؟

عشان هيك :

______________

........افهموها لحالكم.........

______________

محمود بدّار كتب:

موضوع جميل ..

ما انتخبت ما عندي دائرة هاي اولا .. وثانيا يعني بالورق والدعايات والشعارات اللي حاطينها

هاي سبب بانتخاب احدهم ؟؟ لا بعرفه ولا عمري شفته ولا بعرف مين هو غير

بالاعلانات كيف انتخبه؟؟؟

وعلى كل نتمنى الخير و الأفضل لوطننا الغالي ..

تحياتي ،،،

اقتباس :

صح معك حق!!

احنا ما بنعرفهم ولا بنعرف هم كيف

وهاي الاعلانات كلها هل رح يعملوها فعلا!!

عشان هيك انا قبل ما اقرر اني حأنتخب قريت عن كل واحد شو عمل بحياته واذا كانت شعاراته منطقيه(يعني همك همي حلو بس مو منظقي بده يحمل هم الله اعلم كم الف واحد همه لحاله يا دوب مكفيه..وإلا هو بس حكي ليلفت الناس اله!!)

محمود بدّار كتب:

اقتباس :

صح معك حق!!

احنا ما بنعرفهم ولا بنعرف هم كيف

وهاي الاعلانات كلها هل رح يعملوها فعلا!!

عشان هيك انا قبل ما اقرر اني حأنتخب قريت عن كل واحد شو عمل بحياته واذا كانت شعاراته منطقيه(يعني همك همي حلو بس مو منظقي بده يحمل هم الله اعلم كم الف واحد همه لحاله يا دوب مكفيه..وإلا هو بس حكي ليلفت الناس اله!!)

والله يا همس الحب انك تقرأي عن كل واحد برضه ما بينفع ..

انا شو عرفني هاد اللي كاتبه صح او لا ..

لازم تكون المعرفه قوية واكون قريب منو لاحكم ..

اقتباس :

اكيد بس هاي الطريقه الوحيد تقريبا

يعني انا كبنت ما بقدر اروح على المقر عند المرئح حاله واحكي معه واناقشه..

باابا راح عند اكتر من واحد وحكالنا شو بيحكي في حكي مو منطقي

هدا بيخليك تقلص عدد المرشحين الي ممكن تنتخبهم صح؟!

ان شاء الله يفوووز
قال بكرا عطله لانه ما اكتمل النصاب القانوني للمنتخبين؟!
قال لانه ما انتخب 50% واكتر فبكرا كمان حيكون انتخابات وعطله..صح هدا الشي؟!؟!

اقتباس :

وبعدين الانتخابات للأسف صارت للي بدفع مصاري..

شوف مين بيحكي ..... علينا يا مجدي؟؟؟؟..........بمزح معك ....

السلام عيكم...


الانتخاباب اشي كتير مهم بحياة الشباب الاردني اخواني واخواتي...


وبما انه مو موجوده الدائرة الانتخابية على هوياتكم... فاعرفوا انه هوياتكم بدها تسجيل حتى تقدروا تنتخبوا...


صوت واحد بعمل فرق.... ورجل واحد بعمل فرق...

ارجوا منكم جميا في الانتخابات القادمة ان تساهموا بمنح اصواتكم للرجل المناسب او المراه المناسبة....

وهاد جزء بسيط بنرده للبلد اللي ربينا فيها واكلنا من خيرها... وبندرس بجامعاتها.. وعايشين جو الامن فيها...


......


يا منار صوت واحد من هون وصوتك من هون.... كان عملو فرق ......

.....

وللي باعوا اصواتهم... هاي امانه ... كيف بتنتخبو واحد بس مشان المصاري؟؟!!!!
انتوا بتكونو وصلتو واحد دفعلكم مشان يقعد على كرسي ويرجع المصاري اللي دفعها الكم بمعرفته...

.........


اما انا.... وكلي اسف وحسرة...
ما قدر الله لي ان انتخب...
رحت من الصبح عالميكانيكي وطول النهار وانا عنده ... مشان السيارة..

والله على ما اقول شهيد... شو كان بنفسي انتخب....
.......


وانا كنت بأيد مرشحين اتنين..
الاول..
خلف الرقاد...
والثاني
محمد البريكات..


وان شا الله ينجح حدا فيهم...

............................................................................


ساهموا لو بالقليل لاعمار بلدكم وسموه وارتقائه.
...........................................................................



الاردن اولا.....



اختكم... فيرست دون

عفوا منار ....

هاد مو حكي فاضي.....

ازا انتي ما دك تنتخبي هاد اشي برجعلك.... بس هاد مو اشي فاضي...


كل واحد وحر بطريقه انتمائه....


وبرجع بقلك الانتخابات اشي مو فاضي...

ومو كل الناس منافقه,,,,,

وانا ما بزعل منك ..لانه هاد موقفك تجاه البلد اللي انت عايشه فيه .. وبتاكلي من خييره... ولعبتي بحاراته وانتي صغيره.... وهيك بتدرسي بجامعه من جامعات الاردن....

وكل واحد حر بالطريقه الي بشكر البلد اللي عملت منه انسان وصل لمرحلة يكمل تعليمه الجامعي....
...............................................


والرجاء تتقبلي مني الحكي....
................................................




يا جماعه انتوا اعملو اللي عليكم والنجاح والتوفيق من رب العالمين.....
.......................................................................

انا ما كنت بحكي عنم البلد


انا كان كل قصدي اني احكي انه الانتخاب.... اقل كلمة شكر بقدمها للاردن لما انتخب الرجل المناسب... لانه رح يساهم في نجاح الاردن وسمووه وارتقائه....


وانا ما بذكر اني حكيت انك قصدتي البلد...

ويا جماعه الموضوع مو لمنار لحالها...
الموضوع الكم كلكم.........................


........................................................................................


برجوا منك انك تفهميني صح....

السلام عليكم ورحمة الله وبركاته
موضوع حلو ومميز
انا مني وعلي ما انتخبت برضه بس مش لاني ما بدي انتخب
اول شي ما في دائرة على هويتي
ثاني شي لو كان فيه دائرة بتكون الدائرة العقبة وما عندي استعداد انزل يوم على
العقبة عشان انتخب
ثالث شي بصراحة ما عنا حدا بالعقبة بيستحق حسب رأيي غير واحد وانا ضامن انه ينجح
هذي المرة الثالثة اللي ينجح فيها على التوالي
شكرا على فتح باب الحوار في هذا الموضوع الهام

انا بالنسبة اللي ما انتخبت عشان ما في دائرة عالهوية
ولول بدي انتخب كنت مع محمد البريكات ابو كفاح
وبــــــــــــــــــــس
متلك يا فيرست داون
بس للاسف خسر

بس للاسف الانتخابات انا شفت انها غير نزيهة
والسبب انو كتير من المرشحين اشترو اصوات الناخبين ومن الصبح و قدام الجميع
وانا كمان كنت قدام مدرسة سمعت انو صار تزوير من مرشح
طبعا عالسان مرشحة منافسة

وللاسف كمان في بعض الدوائر نجح مرشحين ما كان متوقع نجاحهم متل الناجحين بالدائرة الرابعة الزرقاء
( الرصيفة ) وانا مستغرب كتييير لأنو مستحيل انهم كانو حينجحوا