قصتي مع المسافر..

زائر

بسم الله الرحمن الرحيم..
اريد ان اسمعكم قصتي مع حضور الغائب الغالي بعد ثلاث سنوات غربة في سلطنة عمان.. واقصد بالغالي هو عمي .. واسمه رائد...

كنت دائما في قمة الشوق له..اكلمه واكلم جميع صوره.. اكتب له القصائد وما في قلبي من شوق لا يهدأ.. وفي يوم من الايام.. اتصل ليقول: سآتي اليكم بالبر بسيارة جيب لونها احمر.. مكتوب عليها سلطنة عمان... ولن اخبركم متى كي لا تنتظروني..

اما بالنسبة لي فقد كنت في منتصف امتحانات التوجيهي..وكنت مصرة على النجاح.. لأنه سيأتي بسبب النتائج...

فقبل امتحاني الرياضيات بيوم نمت متأخرة جدا.. لأن اليوم التالي هو يوم الامتحان..

باليوم التالي كان يوم احد 6\26 قمت على الساعة السادسة لأراجع بعض القوانين.. وعندما انتهيت.. قمت لأفتح شباك غرفتي المتعبة..وعندما فتحته واذا بسيارة جيب احمر كتب عليها سلطنة عمان.. قادمة باتجاه المنزل..(علما اننا نسكن في عمارة واحدة لكل واحد من اعمامي شقة كاملة وهم ثمانية..) فلم تحملني قدماي .. ولكن جمعت قواي وركضت باتجاه والدي الذي سهر طول الليل وهو ينتظره.. وقلت له.. ابي لقد جاء عمي رائد.. فلم ارى حركة اقدام ابي وهو ذاهب للشارع!!

فنزلنا مسرعين وناديت على جميع اعمامي بالبيت حتى انهم بثواني كانوا بالشارع..وسلموا عليه وانا انتظر ان يدخل البيت لأسلم عليه.. وعندما دخل البيت.. بدأت عيناي بالبكاء.. ودمعت عيناه ولم يعرفني.. أتصدقون؟؟

قلت له الحمد لله على سلامتك يا غالي.. فقال : منار!!!!
لم اعرفك فقد تغيرت جدا.. وسلمت عليه.. وقبلت يمينه .. وكان متعبا جدا.. فاستأذنته مسرعة لأبدل ملابسي وانطلق للامتحان الذي كنت بقمة الخوف منه...

فذهبت الى الامتحان.. وعندما خرجت من القاعة اتدرون ما رأيت؟؟ رأيت عمي يقف امام المدرسة..هو نفسه..وهو متعب وذابل من السواقة على الطرقات المرعبة..فسألني عن امتحاني وأجبته بأنه جميل ورائع والحمد لله..

عدنا الى المنزل وكان علي بعد يوم امتحان فشجعني عمي بقوله انه جاء ليشاركني فرحتي بإذن الله..
فنجحت والحمد لله واقام لي حفلة لم يقام مثلها من قبل..مع انها صغيرة وذلك لظروف عائلية..

وسافر بعد شهر من النتائج.. ولحظة سفره كانت مميتة جدا جدا.. لدرجة انني تمنيت فقدان نظري من بعده.. لكن اللحظات الجميلة تدفعنا للأمل المبني على الصيف القادم لأكحل عيناي به من جدبد...

لو أنكم مكاني كيف سيكون شعوركم.. علما ان عمي اغلى على نفسي من روحي!!!!

الفعل يا منار
وداع الغالي صعب ومؤلم كتييير والله يرد كل غريب لأهله
ومشكوووورة منار

زائر

اهلين يا احمد..مشكور..
ومدام رب العباد موجود.. هو بتكفل فينا..
تحياتي..

زائر

سؤال:
ما شعورك عندما فارقت حبيبا...؟؟
أكرهت نفسك؟؟
أم كرهت عمرك؟؟

زائر

وا حسرة للفتى ساعة.. يعيشها بعد اودائه!!
عمر الفتى لو كان في كفه.. رمى به بعد احبائه!!
الشافعي..

زائر

انا كتير فاهمه شعور الواحد منا لما يسافرله قريب...

خانتني الكلمات... وافضل لو احتفظ لنفسي بها عن الافصاح عنها...

ويا منار الله يرجع غايبك وغايبنا الصيفيه الجاي ...

والصبر يا صديقتي.. الصبر

زائر

بيعين الله..
عزائي الوحيد وجود رب العالمين والصبر..
شكرا عزيزتي..

هالله هالله على الاحساس

زائر

كتير بحب اذكر جيته..
لكن وداعه ..
متل السم على قلبي..
تحياتي سيدي...

مرحبا أختي منار

قصة مؤثرة والله يرجعلكم ياه بالسلامة

الفراق صعب خاصة لما يكون الشخص غالي علينا

على فكرة انا عشت بسلطنة عمان 13 سنة واهلي هناك ومشتاااااق لهم كتيييير

عشان هيك فاهم شعورك كتير منيح ..

ملاحظة : عُمان بلد حلوة كتير ومشتاقلها كتير

يسلمو على الموضوع مرة تانية

زائر

أهلين بصديقي محمود..
صحيح عُمان كتيييير حلوة..
عندي صور بتجنن....
لكن حلاتها ما بتخفف الألم اللي دابحنا..
إن شاء الله بتشوف أهلك بالسلامة...
تحياتي صديقي...

منار كتب:: أهلين بصديقي محمود..
صحيح عُمان كتيييير حلوة..
عندي صور بتجنن....
لكن حلاتها ما بتخفف الألم اللي دابحنا..
إن شاء الله بتشوف أهلك بالسلامة...
تحياتي صديقي...

اكيد ما رح تخفف الألم

بس عارفه انك تشوفي طبيعتها الحلوة و تشمي هواها النظيف بنسيكي الدنيا وما فيها

ع فكرة عُمان تغيرت كتير بعد الإعصار اللي صابها كتير اشياء خربت واتدمرت الله يكون بعون الناس اللي اتضرروا ..

في النهاية البعد صعب كتير والشعور بالوحده اصعب واصعب ..

الله يعينا ،،

زائر

معك حق..
عمي كان مصوّر الاعصار ع تلفونو..
اشي بموّت من الرعبة..
كان هناك يوم الاعصار وكل المي اللي بالشوارع دخلت بيتو لأنو أرضي..
وانقطعت الاتصالات .. ومتنا من الخوف..
الحمد لله كل شي مكتوب..
وبالنسبة لجوّها اللي معو تحسس.. يروح لعمان بطيب بسرعة..
معك حق..
فتحت عليك ابواب الذكريات...آسفة...

منار كتب:: معك حق..
عمي كان مصوّر الاعصار ع تلفونو..
اشي بموّت من الرعبة..
كان هناك يوم الاعصار وكل المي اللي بالشوارع دخلت بيتو لأنو أرضي..
وانقطعت الاتصالات .. ومتنا من الخوف..
الحمد لله كل شي مكتوب..
وبالنسبة لجوّها اللي معو تحسس.. يروح لعمان بطيب بسرعة..
معك حق..
فتحت عليك ابواب الذكريات...آسفة...

اه والله يا منار شي مرعب

اهلي كمان كانوا مصورين والمي دخلت على بيتنا كمان وكان يوم ولا بالأحلام

الله لا يعيدها .. مفكر اكتب هاي الأحداث اللي صارت مع اهلي بموضوع شو رأيك ؟

ولا يهمك لساتنا شباب قلوبنا قوية

زائر

ياريت..
أنا كل اشي في ريحة لعمان بعشقوا..
اكتب وبستنا....واخ لو الصور موجودة.. كنا نزلناها...
يللا.. بعين الله...

هاليومين ان شاء الله بنزل الموضوع

ومع الصور كمان لانها عندي

زائر

بالإنتظار إن شاء الله...
يللا فرجينا الإبداع....
تحياتي....

معك حق عزيزتي لأن اصعب شي عالواحد يفارق اهله وحبايبه حتى انو بتمنى ان الحياة توقف
عشان ما ينحط بهاللحظة المريرة وخاصة اذا كان المسافر قريب كتيير ومتعودين على وجوده بشكل
يومي تقريبا
الله يرجع كل متغرب لمحبينه ويردهم سالمين غانمين

مع تحيات اختك Dodee

زائر

هلا بحبيبة قلبي..
فرحتيني بوجودك..
تحياتي...

رجعتيلي ذكريات كتيره

احنا كنا واحنا صغار عماتي يجوا كل سنه بالصيف وباخر الصيف نصير نودعهم وحده وحده كل يوم وحده ونضل نبكي!!

ولما سافرت من كندا وتركت صاحباتي الي عشت معهم كتير وكبرت معهم وتربينا مع بعض....آآآآآآآآآآآآه كانت ايام بتجنن

الفراق بضل فراق سواء انت الي سافرت او حدا غالي عليك سافر

الله يرجعلك اياه بالسلامه يا رب السنه الجاي..

زائر

تسلمي يا قلبي..
كلك زوق...

مرحبا منار

الله يرجعو الكم سالم

وعنجد الفراق صعب جدا

وخصوصا اذا الي راح عنك شخص بتحبه كثير

وباتمنى تتقبلي مروري وتحياتي

زائر

هلا بيك..
تسلم.. والله لا يحرمك من غالي!!

منار .... ما الك الا الصبر ... والتوكل على رب العالمين ...وان شاء الله كل واحد اله غيب يرجعله بالسلامة .... و اولهم انا !!!

زائر

saleh_ak كتب:: منار .... ما الك الا الصبر ... والتوكل على رب العالمين ...وان شاء الله كل واحد اله غيب يرجعله بالسلامة .... و اولهم انا !!!

بدعي من كل قلبي..
الله يرجعلك اياهم بالسلامة.....