القبض على رجل قتل عجوزاً أمام محكمة الجنايات

وبالنسبة لتعليقاتكم ...

اقتباس :

الحمدلله انهم مسكوه
لانه اللي متله اعدامهم
اقل شي

بس ياريت لو تحكيلنا شو السبب للقتل؟؟؟؟؟؟؟؟

يسلمو محمود على الخبر

للأسف ما مسكوه وهسا اكتشفنا انه الشخص يلي انمسك هو مرافقه

اقتباس :

إنتا كنت شاهد عيان ؟؟

بس شو موديك على محكمة الجنايات ؟؟؟

إلك قضية هناك ؟

أنا كنت قريب من مكان الحادث (وسط البلد) وبالضبط عند معرض أمنية بوسط البلد، وسمعت طراطيش من الناس انه في شخص انقتل، فحملت حالي ورحت لمحكمة الجنايات القريبة من مكان معرض أمنية ولقيت فعلا في استنفار أمني وبعديها بلحظات شفت شب في أواخر العشرين من العمر قبضوا عليه رجال الأمن، ففكرت انهم قبضوا على القاتل واستفرت من الناس الموجودين عن يلي حصل، وصورت المقبوض عليه بالتلفون الخلوي لكن للأسف بعد ما ركب الميكرو فعشان هيك الصورة كانت مش واضحة كتير، وهينا هسا عرفنا انه هذا الشخص كان المرافق، أما القاتل فلم يقبض عليه بعد.

اقتباس :

بستاهل الله لا يقيمه

حدا بقتل رجل عجوز وعلى باب محكمة

شو هالتخلف هاد

شكرا الك محمود

هذا يلي صار وما بعرف شو اسباب القتل، هل هي خلافات عائلية، أم شهد هذا الرجل على شيء لم يكن من المفروض أن يشهد عليه فعوقب بالقتل، أم شهد زورا، الله أعلم.

اقتباس :

العمل الذي قام به القاتل لا يصدر إلا عن أشخاص فاقدي عقول

مجهود تشكر عليه أخ محمود

بالفعل، ولا أخفيك أن الجرائم التي باتت تركتب في المجتمع تثير قلقي وامتعاضي الشديدين، فبدءاً من جرائم القتل والإغتصاب وصولاً إلى الشذوذ الجنسي والاساءة الجنسية أو بالضرب للأطفال والنساء، على الرغم من أن هذه الأمور بعيدة كل البعد عن قيمنا وأخلاقنا وديننا إلا أنها للأسف هو واقع مزري موجود في المجتمع بالفعل، وتظهر بعض الإحصائيات أن ما يتم كشفه اعلامياً ليس إلا جزءاً بسيطاً مما يحصل فعلاً، فالله يستر من يلي جاي وفعلا نحنا بآخر وقت.