الجيل الفاشل

اقتباس :

بصراحة يا معتصم هالموضوع ضروري
امبارح فتحته معنا هالموضوع دكتورة
وحكينا فيه
انا برأيي انو جيلنا رح يكون اقوى من الاجيال السابقة
واوعى منهم
فبعصرهم ساد الجهل والبعد عن الدين
اما الان فالعلم والانفتاح والثقافة
والان كثير منا من اهل الدين
واصحاب الفكر والعقيدة
واصحاب الهدف الواضح
فجيلنا هو جيل الارض والوطن
وجيل تحرير العرب من هجمات الغرب واليهود
فالامر لم يعد كالسابق
قالجيل السابق كان يخاف حتى التحدث بهذا الكلام لمجرد انه كلام
فما بالكم بفعلهم
فالان نحن سنحمل مسؤلية انفسنا وارضنا وديننا
وبالرغم من وجود ما يفسد الشباب وهذا الجيل ومن هجمات الغرب الثقافية
بالموضة والاغاني والخلاعة التي بثت بيننا
فقلبنا ما زال فيه اصلنا
وشكرا

بأيد معظم ما ورد في كلام العجوري

وبنتقد معتصم على شغلة وحدة (التشاؤم)، والتدين ما له علاقة باللبس او تربية اللحية من عدمها، وجيلنا فعلا أفضل من جيلهم وأوعى، والمسألة مسألة وقت مش أكثر قبل ما نوصل لمستوى ممتاز من الوعي يمكنا من النهوض بالأمة.

اذا بدهم يحكو عن بنات هذه الأيام ما عندهم حجة، لأنه بنات الخمسينات كانت رايجة موضة التنورة القصيرة، وهسا الحمد لله قليل ما تلاقي بنات بكشفوا أجزاء من جسمهم، اذن بنات جيلنا أفضل من هذاك الجيل، وأوعى كمان، يعني البنات بطل ينخاف عليهم زي اول، وكل وحدة تعرف العيب وتعرف الحرام، وتعرف غرض الشب وتتعامل معه بمنطقية وموضوعية وتعرف في الغالب تتصرف في المواقف الحرجة والصعبة.

أما الشباب، فكان زمنهم رايجة أنواع معينة من الموضة وكانوا يقلدوا بعض الممثلين مثل رشدي اباظة، عشان هيك ما عندهم حجة، ووقتهم ما كان في انترنت وكمبيوتر وموبايل ولو كان موجود ما كانوا قصروا !!! بعدين الأغاني زمنهم كانوا يسمعوا أغنية مدتها ساعة ونحنا أطول أغنية نسمعها هسا 5 دقايق.

في سلبيات في جيلنا بس قليلة جدا مقارنة بسلبيات جيلهم

خلاصة الموضوع: يلي بصير مجرد صراع أجيال مش أكثر

شكرا معتصم على الموضوع المميز

اقتباس :

كلهم كلمتين صغار رح احكيهم ...

ما في اشي إسمه > جيل فاشل < ... كل جيل فيه الصالح >( مش انا ) و الطالح ...

و اذا كان جيلنا فاشل ... ف الجيل اللي قبلنا جيل متخلف ( و اعذروني ع هالكلمة ) لانهم

السبب في ضياع الأمة ، و هزائمها المتكررة ، و إذا ما بدنا نروح لبعيد ، إذا كنا احنا فاشلين

ف همه اللي ربونا ...


واللي بيحكي عنا جيل فاشل ... بيكون انسان ما عنده حجة و بده يحط الحق ع حدا معين و بس ...


موضوع قوي ... تحياتي حبيبي ...

أحلى صالح حرقتهم حرق

الحمدلله انو انا من هالجيل عشا لاتحكو عني متخلف

صالح ما عندو يمة ارحميني

خف عليهم شوي يا زلمة

ولا تنسى انو الجيل المتخلف الي بتحكي عنو هو جيل ابوي وابوك

مشكور معتصم

اقتباس :

الحمدلله انو انا من هالجيل عشا لاتحكو عني متخلف

صالح ما عندو يمة ارحميني

خف عليهم شوي يا زلمة

ولا تنسى انو الجيل المتخلف الي بتحكي عنو هو جيل ابوي وابوك

مشكور معتصم

و اذا كان جيلنا فاشل ... ف الجيل اللي قبلنا جيل متخلف



القصد يا صاحبي انه لو اننا اتفقنا على انه جيلنا فاشل ... ف بالأحرى اننا نذكر كمان انه الجيل السابق



> متخلف < ، لانه سيئاتنا مهما كانت ما بتتقارن بسيئاتهم أبدا مثل ما تفضل التكريتي ، ...



و اذا كان فشلنا في مجال معين ( مع انه الوضع غير هيك ) ، ف فشلهم كان اكبر بكثير في تربيتنا ...





ف غلط يوصفوا جيلنا بشي و يعمموه علينا كلنا ، و الفكرة اللي طرحتها في هالسطر :

اعذرني يا ابو كشك اذا انا فهمتك غلط

ومعلش هاد قسم النقاشات الحادة

في اختلاف اراء ووجهات نظر

وممكن الواحد يفهم الثاني غلط

واكون صريح جيلنا جيل لايعتمد علية الا ما ندر

لانو الي كانو يسوا اهلينا احنا مابنسوي لعشرين سنة لقدام

طبعا انا مابحكي عن التعليم

لانو في فرق من بينا وبينهم بالتعليم

لانو الي كانو يسوا اهلينا احنا مابنسوي لعشرين سنة لقدام



صحيح يا كامل ... اهالينا و جيلهم تعبوا و ما قصروا ... و الله يخليلنا اياهم ...



بس برضه ... خلينا نحكم المنطق في كلامنا ...



هل ظروفهم لما كانوا في مثل عمرنا كانت نفس ظروفنا حاليا ؟ ...



هل لو احنا عشنا في هاي الظروف ، مش رح نتعب و نشقى زيهم ؟ لاننا رح نكون



مجبورين نعيش فيها زي ما همه انجبروا ؟ ! ...



هل لو همه عاشوا شبابهم بنفس الطريقة اللي احنا بنعيش شبابنا فيها حاليا كان نجحوا ( على حد تعبيرهم ) اكثر منا ؟



ما اعتقد ...



كل ناس ناس زمنهم ... ولو احنا عشنا ظروفهم كان تصرفنا و تعاملنا بنفس طريقتهم ...



ولو تخيلنا اختلفت الادوار ...يعني احنا نسير السابقين ، و همه اللاحقين ! ... رح نحكيلهم نفس الكلام اللي بيحكولنا اياه !!!!

zero cold كتب:

هذا الشبل من ذاك الاسد

~¤ô§¤(AbuKishik)¤§ô¤~ كتب:

والله يا كامل بدك تعذرني ع هالكلمة ، ... انت لساتك صغير و ما شفت اشي من هالدنيا ... ولا حتى انا شفت اشي ...


بهاي معك حق انا بعدني صغير بس انا بحكي عن جزء لايذكر من الي شفتو في حياتي بالنسبة لغيري

مع هيك في ناس من اجيالنا مكافحين و كادحين و جديين ، ... و انا شخصيا بعرف ناس كانوا معي ايام المدرسة



حاليا من اكبر الرووس في مجالات شغلهم ... مع انهم مش دارسين ولا مسخمين ع حالهم ...

والله وانا بعرف كثير بس مو موجودين بكثرة نسبة صغيرة بالنسبة لجينا

... ف انا كمان ما بحكي عن التعليم

اقتباس :

طبعا انا مابحكي عن التعليم

لانو في فرق من بينا وبينهم بالتعليم

اقتباس :

هاي بس للتوضيح مو اكتر

لانو الي كانو يسوا اهلينا احنا مابنسوي لعشرين سنة لقدام

صحيح يا كامل ... اهالينا و جيلهم تعبوا و ما قصروا ... و الله يخليلنا اياهم ...



بس برضه ... خلينا نحكم المنطق في كلامنا ...



هل ظروفهم لما كانوا في مثل عمرنا كانت نفس ظروفنا حاليا ؟ ...

اكيد مافي وجه مقارنة احنا بعصر الملهيات والتكنو

هل لو احنا عشنا في هاي الظروف ، مش رح نتعب و نشقى زيهم ؟ لاننا رح نكون

مجبورين نعيش فيها زي ما همه انجبروا ؟ ! ..

طبعا راح نتعب زيهم ويمكن اكثر


هل لو همه عاشوا شبابهم بنفس الطريقة اللي احنا بنعيش شبابنا فيها حاليا كان نجحوا ( على حد تعبيرهم ) اكثر منا ؟



ما اعتقد ...

ولا انا اعتقد

كل ناس ناس زمنهم ... ولو احنا عشنا ظروفهم كان تصرفنا و تعاملنا بنفس طريقتهم ...

يعني كان ممكن نحكي عن الجيل الي بعدنا جيل فاشل

ولو تخيلنا اختلفت الادوار ...يعني احنا نسير السابقين ، و همه اللاحقين ! ... رح نحكيلهم نفس الكلام اللي بيحكولنا اياه !!!!




والله ياعمي ليش الكذب والله ابو كشك بحرق الي قدامة بأسلوبة

مشكور ابو كشك وبضل وجهات نظر

واشالله مافي اختلاف يبنا

والله يا معتصم انت ناوي ترجع تشعللها

لانو اهلينا الي كانو يعملوة بنظرهم احنا ما عملنا وما راح نعملة

زمان كان الي داخل المدرسة كان كل همة كيف يطلع الاول

اما هسه كل همنا كيف نشلف من المدرسة وكيف نغش ونضحك ع اهلينا بعلاماتنا

راكضين ورا الاغاني والبلاطين الساحلة والواكس

فكيف ما بدكم ياهم يحكوا عنا جيل فاشل

اقتباس :

كلهم كلمتين صغار رح احكيهم ...

ما في اشي إسمه > جيل فاشل < ... كل جيل فيه الصالح >( مش انا ) و الطالح ...

و اذا كان جيلنا فاشل ... ف الجيل اللي قبلنا جيل متخلف ( و اعذروني ع هالكلمة ) لانهم

السبب في ضياع الأمة ، و هزائمها المتكررة ، و إذا ما بدنا نروح لبعيد ، إذا كنا احنا فاشلين

ف همه اللي ربونا ...


واللي بيحكي عنا جيل فاشل ... بيكون انسان ما عنده حجة و بده يحط الحق ع حدا معين و بس ...
_________________

صالح عمرك اطول من عمري

أنا كنت بدي أحكي هذا الحكي

اقتباس :

راكضين ورا الاغاني والبلاطين الساحلة والواكس

يعني تحكي إنو ما كان عندهم أغاني

إمي مرة حكتلنا إنو واحد كان عنا في البلد يستنا إم كلثوم ساعة طبعا على الراديوا و يقعد ساعة و هو بيسمع
نحكي عن البلاطين كان مديل البلاطين إلي عندهم صحيح مش إمسحول و مرفوع بس كان ديق من فوق على الآخر و واسع من تحت على الآخر تحكي إنو الخياط ناسي يخيطوا
الشعر و الواكس لا تسأل شو كان زمان كان مديل الشعر الطويل و السشوار طبعا السالف ما تسأل كيف كان شكلوا

والله صح كلامك يا صالح

بس احنا هسه اهتمام رئيسي عنا هاي الشغلات

اما همة كانت اشياء ثانوية

اقتباس :

اما همة كانت اشياء ثانوية

لو هاي الشغلات كانت عندهم ثانوية
ما كان ضاعت الأمة و ما كان ضاعت فلسطين و ما..........

~¤ô§¤(AbuKishik)¤§ô¤~ كتب:

كامل الاحمد كتب:

والله ياعمي ليش الكذب والله ابو كشك بحرق الي قدامة بأسلوبة

مشكور ابو كشك وبضل وجهات نظر

واشالله مافي اختلاف يبنا

ولاووو ... حرقتني بذوقك حبيبي ...

والله انت الذوق كله

اكيد بتظل وجهات نظر ... و هون الهدف من هاد القسم اصلا ... الإختلاف ...

كلامك صحيح

معتصم الزغل كتب:

طب شو السبب اللي بيخلي الجيل اللي قبلينا يحكي عنا جيل فاشل ؟؟؟
واضن انه كثير بيحكوها لانه وين ما تروح بتسمعها
وما في دخان من غير نار

اممم ... سؤال حلو ...

أظن انه الجواب كالتالي :

الجيل اللي قبلنا بيحكم علينا وفق مقاييس حياته اللي عاشها و هو بنفس عمرنا ...

يعني مثلا ً ... بيحكولك انه همه كانوا يدرسوا كثير و انه الكل كان شاطر ! ...

و انه ما كان يلهيهم عن دراستهم ولا شي ... لدرجة انه البعض بيحكي انه كان يدرس ع > ضوء الشمعة <

و بالتالي ف همه بيستنوا منا انه لو قطعت الكهربا مثلا ً ... لازم نولع شمعة و نقعد ندرس عليها ...

طيب هسه لو كانت الكهربا ايامهم بنفس الوضع الحالي ... معقول انه الواحد فيهم رح يطفي النور

و يولع شمعة يدرس عليها ؟ ...

او مثلا ... ليه احنا مقضيينها ع روتانا و ع غيرها ؟ و همه ما كان عندهم هاي الشغلات ، و بيفترضوا انه

لو كانت متوفرة كان ما تأثروا فيها مثلنا ... ، و من جهة ثانية بتلاقي الواحد حافظ كل اغني عبد الحليم ، و بيتحسر

ع ام كلثوم ، و منى عينه يسمع فريد الأطرش ع آخر الليل ! ... طيب شو فرق الوضع ؟ ...

و غير هيك امثلة كثيرة ...

بالمختصر ... جوابي ع سؤالك انه همه بيحكموا ع تصرفاتنا ضمن إطار الحياة اللي همه عاشوها ، و بيطبقوا

مقاييس زمنهم على زمننا ... ف اشي طبيعي انه تطلع النتيجة معهم انه احنا فاشلين ! ...

كامل الاحمد كتب:

زمان كان الي داخل المدرسة كان كل همة كيف يطلع الاول

طيب هسه بدك تقنعني انه الكل كان هيك ؟ ... ما اظن ...

هاد يا كامل تبهير و تتبيل ع الطبخة ! ... بالضبط زي لما حكولنا انه حبة البرتقال تبع فلسطين قبل ما ييجوا اليهود

كانت قد الــ > بطيخة < ... هي اوكي كانت كبيرة ... و جودتها احسن من هالأيام ... بس مش قد البطيخة !

اقتباس :

اما هسه كل همنا كيف نشلف من المدرسة وكيف نغش ونضحك ع اهلينا بعلاماتنا

زي ما في ناس هيك هسه ... كان في ناس هيك زمان ...

اقتباس :

راكضين ورا الاغاني والبلاطين الساحلة والواكس

فكيف ما بدكم ياهم يحكوا عنا جيل فاشل

ارجع شوف كيف كانت الموضه بالسبعين ، بعدين تعال لومنا ... ...

اقتباس :

صالح عمرك اطول من عمري

أنا كنت بدي أحكي هذا الحكي

حبيبي يا صالح ... القلوب عند بعضها ...

و الردين تبعونك اللي قبل هاد همه بالضبط اللي بنفسي ... كفيت و وفيت ...

والله ياجماعة انا بحكي الي بسمعة

حاسسكم نفسكم تضربوني

لا يا زلمة مش لهدرجة