جريدة الدستور تنشر خبر حملة الخروج عن الصمت على موقع شباب

تانكس عالخبر تكريتي انا قرأتو ويا رب يجيب هالحكي نتيجة

انا أؤيد كل حرف ذكر في هذا المقال... ولكني أود أن أضيف أهم مرفق من مرافق الكلية وهو: "الكافتيريا"
المكان الذي يفترض تناول الطعام "الصحي"فيه... ولكن الواقع عكس ذلك تماما.. حيث انه لا يعد بيئة صحية لإعداد الطعام ولا بأي شكل من الأشكال..
بل تعد الكافتيريا في الكلية "مقهى" للتدخين... لا يوجد بها الا المدخنين...
علما بان معدي الطعام لا يلبسون القفاز أثناء اعداده... وهذا يعد مأساة بحق الانسانية!!!
نضطر يوميا للذهاب خارج الكلية لتناول الطعام... وعند نفاذالخيارات التي أمامنا.. نضطر مكرهين على شراء الطعام من هذه الكافتيريا...
أرجو من الجميع سماع ندائنا الذي خرح من القلوب ليصل إلى القلوب أولا ثم الآذان ثانيا...
تحياتي الك على طرح الموضوع.. اختك:
sweety

اقتباس :

تانكس عالخبر تكريتي انا قرأتو ويا رب يجيب هالحكي نتيجة

العفو، وان شاء الله يجيب نتيجة، الإعلام برضو سلاح لازم نستغلو دايما في المطالبة بحقوقنا

وشكرا على مرورك ومشاركتك

اقتباس :

نا أؤيد كل حرف ذكر في هذا المقال... ولكني أود أن أضيف أهم مرفق من مرافق الكلية وهو: "الكافتيريا"
المكان
الذي يفترض تناول الطعام "الصحي"فيه... ولكن الواقع عكس ذلك تماما.. حيث
انه لا يعد بيئة صحية لإعداد الطعام ولا بأي شكل من الأشكال..
بل تعد الكافتيريا في الكلية "مقهى" للتدخين... لا يوجد بها الا المدخنين...
علما بان معدي الطعام لا يلبسون القفاز أثناء اعداده... وهذا يعد مأساة بحق الانسانية!!!
نضطر يوميا للذهاب خارج الكلية لتناول الطعام... وعند نفاذالخيارات التي أمامنا.. نضطر مكرهين على شراء الطعام من هذه الكافتيريا...
أرجو من الجميع سماع ندائنا الذي خرح من القلوب ليصل إلى القلوب أولا ثم الآذان ثانيا...
تحياتي الك على طرح الموضوع.. اختك:
sweety

وأنا بأيدك مليون% بس
مع احترامي الشديد لرأيك بعتقد انه في أشياء أكثر أهمية من الكافتيريا
مثلا نحنا مش عايشين حياة جامعية، نحنا عايشين حياة مدرسية
مع احترامي لكل الطلاب شباب وبنات لما أروح على الأردنية بحس فعلا انهم طلاب جامعات على عكس الموجود عنا
مع احترامي لكل الدكاترة بس أكثر من 50% منهم شهاداتهم من دول نامية أقل من الأردن بمستواها التعليمي
أنا مش عارف 35 دينار الساعة والبعض بدرس موازي 40 دينار
هذه المبالغ ما بتغطي تكاليف دراستنا وبس حتى بزيد منها بلاوي
بهذه المبلغ من حقنا نحصل على أساتذة بمستوى تعليمي راقي جدا من أمثال موسى القريوتي على سبيل المثال وليس الحصر، بهذه المبالغ من حقنا نحصل على خدمات 5 نجوم، على الأقل نجمة وحدة نرضى
من حق الطلاب يعبروا عن رأيهم بدون ما يجي حدا ويسكتهم لأنه تعبيرهم عن رأيهم جاء بارداة ملكية سامية والارادة الملكية السامية تنفذ فورا وغصب عن الكل

كل هذه الأمور يلي ذكرتها مش موجودة وفي لسا أشياء متعلقة بالقاعات والمناهج والكومبيوترات والمختبرات والانترنت وغيرو وغيرو وغيرو مش موجودة، لما تصير موجودة ممكن نطالب بكافتيريا جيدة بس حاليا هذا الطلب مش أولوية عند عدد كبير من الطلاب

أنا عشت حياة جامعية بس مش في كلية عمان، في جريدة الدستور مع زملائي من مختلف مناطق المملكة وبجتمع معهم باستمرار ونتحدث عن همومنا ومشاكلنا بكل صراحة وبتواصل معهم دائما بمختلف شخصيا وعبر الهاتف والانترنت، في جريدة الدستور حسيت حالي في جامعة وهذا الشعور ما حسيت فيه منذ تسجيلي في كلية عمان للأسف الشديد !!!

بتمنى أعيش الجو الجامعي يلي عشته في جريدة الدستور في كلية عمان قبل ما أتخرج !!!

تحياتي لك وشكرا على مشاركتك وتعبيرك عن رأيك

ازا لاحظت كلامي وقرات ردي بدقة.. انا "ضفت" الكافتيريا لقائمة الأشياء اللي بدها تعديل...
ما حطيتها من الأولويات...
بعدين الحياة الجامعية اللي بتحكي عنها... كلنا بنطالب فيها... ولازم تتضمن كافتيريا مرتبة مشان نحس حالنا بجامعة عالأئل الواحد لما ما يكون عنده محاضرات يلائي مكان يروح يئعد فيه متل العالم والناس...
انت عم تحكي انها مو من الأولويات... بس بالنسبة الي ولظرفي هيي من الأولويات لأنه مصدر أكلي الأساسي بالجامعة... وما حدا بيرضى يكون مصدر اكله مو نضيف ومو صحي أبدا...
كمان مرة شكرا كتير على طرحك الموضوع وان شالله بتتحئئ آمالك بحياة جامعية "حقيقية."..

اقتباس :

ازا لاحظت كلامي وقرات ردي بدقة.. انا "ضفت" الكافتيريا لقائمة الأشياء اللي بدها تعديل...
ما حطيتها من الأولويات...

المشكلة اني ما لاحظت هيك اشي، بس على كل حال هذا مش مهم وما راح نختلف عليه، لأنه التغيير شو ما كان يكون، المهم يحصل اشي ملموس نحس فيه ونشعر فعلا بانه هناك تغيير وهناك أمل

اقتباس :

بعدين الحياة الجامعية اللي بتحكي عنها... كلنا بنطالب فيها... ولازم تتضمن كافتيريا مرتبة مشان نحس حالنا بجامعة عالأئل الواحد لما ما يكون عنده محاضرات يلائي مكان يروح يئعد فيه متل العالم والناس...
انت عم تحكي انها مو من الأولويات... بس بالنسبة الي ولظرفي هيي من الأولويات لأنه مصدر أكلي الأساسي بالجامعة... وما حدا بيرضى يكون مصدر اكله مو نضيف ومو صحي أبدا...

متفق معك 100%

اقتباس :

كمان مرة شكرا كتير على طرحك الموضوع وان شالله بتتحئئ آمالك بحياة جامعية "حقيقية."..

العفو، بس بدي أحكيلك الحياة الجامعية ليست مجرد آمال، بل هي حق شرعي لكل طالب وطالبة، وذلك من خلال توفر (مكتبة، كافتيريا، ملاعب، حدائق، أشجار ونباتات وأزهار، تطبيق عملي للمناهج ومواكبتها للتطور المستمر، وبظن هذا الهدف من الحاق كلمة "التطبيقية" إلى اسم الجامعة، وضيفي أي اشي ثاني من عندك)، هذا طبعا مسؤولية الجامعة.

بالنسبة للطلاب عليهم مسؤولية كمان، عشان نعيش حياة جامعية، لازم يتجاوزوا الشللية والعنصرية، يستغنوا عن العادات والتقاليد السلبية، عدم قذف النساء وتشويه سمعتهن لمجرد مشاهدة احدى الفتيات مع أحد الشباب، النظرة للأمور نظرة مستقبلية، التجاوز عن الترهات وتوافه الأمور، اعتبار الزمالة شيء عادي وطبيعي بين الجنسين (وعلى فكرة أنا ضد الصداقة بين الجنسين، لسبب بسيط هو لأني أعتقد بعدم وجودها، على عكس الزمالة الموجودة دائماً بحال طبيعتها، ولأنه الصداقة تعني أن يكشف كل شخص لآخر أسراره ويشاطره همومه وأفكاره، والصداقة تعني التضحية، وأي صداقة بين شب وبنت، وهذا شيء مستحيل بين الشب والبنت على الأقل في عالمنا العربي، فهي قائمة على مصلحة معينة "إما الدراسة، أو المال، أو الحب، أو التفاخر أمام الناس"، بالنسبة لي حكيت لعشرات الشباب والبنات أنتم أصدقاء من باب المجاملة لا أكتر، لكن بالحقيقة لا أمتلك إلا صديق واحد فعلي فقط في الكلية، والباقي زملاء وزميلات)

آسف على الاطالة، لكن كانت ضرورية لتوضيح وجهة نظري بشكل كامل، بس ظل اشي صغير، على فكرة تشويه سمعة البنت حتى لو كانت فعلا زي ما بحكو حرام شرعاً، ولكنه مقبول اجتماعياً، لذا يجب علينا القضاء على العادات والتقاليد السلبية، والتمسك بالايجابية التي لا تتعارض مع الدين أو الفطرة الانسانية.

بعتقد انه كل واحد فينا وضح وجهت نظره، وبالنهاية شكرا كتير لك على صراحتك ومشاركتك