ماذا تفعلين لو واجهتي معاكسات؟

في سوريا لا ينظر الشاب إلى الفتاة حتى لو كانت ملكة جمال، كما ويجلس الشاب والفتاة في الميكرو (باص صغير) بجانب بعضهم البعض (عادي زي الاخوان) كما لا يوجد انتشار للمعاكسات كما هي الحال عندنا في الأردن، والآن وبغرض التوعية أصعب المواقف التي قد تمر عليك خلال فترة حياتك، وخاصة فترة الشباب والنضوج الذي يتسبب لك بهذه المعاكسات، وأفضل الطرق والحلول لمعالجتها

~~~~~~~~~~~~~~~~~~~~~~~~~~~~~~~~~~~~~~~~~~~~~

> لو واجهتي معاكسات في الطريق فماذا تفعلين؟ (الخيارات المتوقعة)
1- ستخافين وتسرعي في خطاك ولا تكلميهم
2- ستقفين بكل شجاعة وتحكيلهم "عيب عليكم" ، "ما عندكم خوات؟"
3- ستتجاوبين مع المعاكسات بالابتسامة لأنك تشعرين أنك ذات أهمية في ذاك الوقت

* الحل الصحيح: لا تظهري خوفك أمامهم فذلك يجعلهم يظنون أنك صيد سهل، ويكررون فعلتهم في الأيام القادمة، يفضل أن تبني علاقة صداقة مع أهلك واخوانك وتطلعيهم على هذه الأمور ليضعوا حداً لهؤلاء بالطريقة المناسبة، لا تردي عليهم أو تكلميهم فهم سيظنون أنك قبلتي معاكستهم ولكنك لا تريدين اظهار ذلك، واياك ثم اياك أن تبتسمي لهم، فأنتي تظنين أنك ذات أهمية وأنهم يقدرون جمالك وأنوثتك بكلامهم المعسول، ولكنهم ينظرون إليك نظرة أخرى ليست مبنية على أي مقياس من مقاييس الاحترام، وتذكري جيداً في حال حاولوا التحرش بك حتى لفظياً لا تتردي في الاتصال على 191 فالقانون الأردني يمنع هذه الأمور ويعتبرها جناية ويسمى التحرش اللفظي في القانون (جناية خدش الحياء) بينما التحرش المادي فيسمى (جناية هتك عرض) وفي الحالتين هناك عقوبات رادعة للجاني، فلا تسكتي عن حقك، فلو كل امرأة في الأردن فعلت ذلك لتخلصنا من ظاهرة المعاكسات والتحرشات نهائياً.

~~~~~~~~~~~~~~~~~~~~~~~~~~~~~~~~~~~~~~~~~~~~~

>>> يتبع مع مواقف جديدة نعرضها لكم مع الحلول بغرض التوعية

شكرا محمود
بس الموضوع مش مستاهل اني اتصل ب191 يعني انا عن نفسي ما بهتم للشب وبهمله كانه مش موجود اصلا بس ممكن اسرع بالمشي مش خوف بس عشان ابينله اني ما بدي اعبره
وما بحكي لاهلي شو بدي احكيلهم؟!
في واحد بعاكسني!!
راح يسأله مين؟ انا ما بعرف
طب شو شكله؟ الله اعلم لاني ما بتطلع اشوف مين الي بعاكس عشان عيني ما تيجي بعينه ويفكرني بعطيه وجه ما عمري عرفت شكل الشخص الي بيعاكس
بضل ماشيه وخلص

شكرا كاريمان، زيرو كولد، همس الحب على المشاركة في الموضوع

كلكم أجمعتو على انو التطنيش هو أفضل حل، وهذا صحيح

بس بعتقد كمان انه بناء جسور من الثقة بينكم وبين الأهل ضروري يا كاريمان، ما تخافي من أهلك، الأهل وجدوا عشان يساعدونا وقت الضرورة والحاجة الهم، وأنا عارف انه موقف زي هاد مش بالضرورة تتصلي بالشرطة وتدخلي مخفر (س و ج) بس إذا بدنا نقضي على هذه الظاهرة لازم توقف بنات الأردن وقفة وحدة وما يسكتوا عن حقهم ويشتكو عليهم ويدخلوهم السجن عشان يتعلموا ما يعيدوها مرة ثانية وهيك نقضي على هذه الظاهرة السلبية

سبب طرح هذا الموضوع مش بس عشان توعية البنات، وكمان عشان توعية الشباب، سمعة شباب الأردن في الدول العربية ليست جيدة بسبب وجود هذه الظاهرة، عشان هيك لازم هذه الظاهرة السلبية تختفي من حياتنا

يمكن الشباب عنا اهون من الشباب الي برااا
مهما كان بكل بلد وبكل مكان
سمعة الشباب السيئين بتطغى على سمعة الكويسين

اقتباس :

يمكن الشباب عنا اهون من الشباب الي برااا
مهما كان بكل بلد وبكل مكان
سمعة الشباب السيئين بتطغى على سمعة الكويسين

صحيح للأسف هذه الحقيقة
مشكورة على المشاركة الرائعة

انا بالنسبة الي بعمل حالي ما سمعت شي يس لو زاد الموضوع عن حدو بعرف كيف اتصرف

شكرا على الموضوع

اقتباس :

انا بالنسبة الي بعمل حالي ما سمعت شي يس لو زاد الموضوع عن حدو بعرف كيف اتصرف

شكرا على الموضوع

العفو وشكرا على المشاركة

اقتباس :

انا بنطنش .... ولا كأني أسمعت شي


و بكمل بطريقي.....بس اذا زاد عن حدوا ممكن احكي لاهلي اذا بعرف الشخص

بس واحد بشارع ...هو كل يوم بشوفة

شكرا محمود

عفوا وشكرا لك على المشاركة