تحدي: مين أشطر بالدراسة الشباب ولا الصبايا

ملاحظة هامة: "قد يتطور النقاش ليصبح نقاشاً حاداً وعنيفاً جداً فعلى المشارك في الموضوع أن يتحلى بالصبر وسعة الصدر ولا يأخذ الأمور على محمل الجد ولا يعتبرها شخصية، ومن لا يجد في نفسه الجرأة الكافية أو سعة الصدر والتحمل أرجو منه عدم المشاركة"

من المعروف في الأردن إنه البنات تفوقوا على الشباب في مجال الدراسة وجابو معدلات أعلى، لكن البعض يقزم من انجازهم ويرجع السبب إلى بقاء الفتاة في بيتها وانها بتخاف على مستقبها عشان هيك بتدرس وانها بتحفظ الدروس لكن ما تفهم منها اشي.

أما الشب فهو المسكين يلي داير في الشوارع ومنهم بشتغل ومنهم ما بحب يدرس، ومنهم بحب يدخن، ومنهم بحب يمسك الموبايل، عشان هيك مش لاقي وقت يدرس ولو درس لكان دمر الدنيا وهزم البنات في تقدمهم الأكاديمي

فشو رأيك انت مين أشطر في الدراسة الشباب ولا البنات ... بلش التحدي بين الشباب والصبايا ... يلا جاوبو !!!!

والله من وجهة نظري الشباب

بس مع عدم وجود المتابعة المستمرة

التي تمتلكها معظم البنات

فبجعل البنات تتفوق في مواد الحفظ

مع العلم بان عقل الرجل هو الاكثر على التحليل والبناء

خليل ، مودي أولا بشكركم على قبول التحدي

ثانيا: راح أعمل مراجعة سريعة لمشاركة كل واحد منكم وأحاول ألاقي ثغرة في الاجابة حتى يتوسع الموضوع وتزيد حدة النقاش، أوك؟

اقتباس :

والله من وجهة نظري الشباب

بس مع عدم وجود المتابعة المستمرة

التي تمتلكها معظم البنات

فبجعل البنات تتفوق في مواد الحفظ

مع العلم بان عقل الرجل هو الاكثر على التحليل والبناء

طيب شو السبب في انه الشباب ما عندهم متابعة مستمرة لدروسهم أو هو افتقادهم للمسؤولية أو عدم اهتمامهم بمستقبلهم ولا المسؤوليات يلي على الشباب أكثر بكتير من البنات ولا في أسباب ثانية؟

اقتباس :

ana ra2y ma fy n8ash aslan

al2nsan ashtar shi

bs hoon almskleh bal mtab3a w aldraseh

fy shbab shatreen w bnat shatreen

mo 2ly b7ded alzka2 aljns albshary

2ly b7addo ho al2nsan nafso

كلامك صحيح، بس الاحصائيات بتشير إلى أنه عدد البنات المتفوقات أكاديميا أكثر من عدد الشباب فهل هذا يعني انه الشباب لا يسعون لتطوير وتحسين أنفسهم؟ ولا في أسباب ثانية؟

ننتظر مشاركة احدى الفتيات في المنتدى برأيها لتكتمل حلقة النقاش وسيبدأ التحدي بين الشباب والصبايا (مزبوط ما يشاع عن البنات انهم بحفظو وما بفهموا المواد يلي بحفظوها ولا غلط) شو رأي البنات؟!!!

اقتباس :

ههههههه يالله كيف الحجج !!!!!
اكيد البنات اشطر
ومن جهة المتابعه فهاد دليل اكبر على انه البنات اذكى من الشباب لانهم بفكرو وبيقنو انه المتابعه لازمه للدراسه في حال الشباب ما عندهم هالاشي
ومن جهه المسؤوليات البنت اشغالها اكبر بالمناسبه

زيرو كولد بتقول أنه الكلام يلي بقولو الشباب على البنات مجرد حجج، والبنات أذكى ومسؤلياتهم أكثر، شو رأي الشباب؟

رأيي واضح يا محمود
ومو حجج هاد الصح وهاد يلي حصل

كلامك مزبوط (نحنا طلعنا غلابة يا راجل)

وشكرا على المرور

شكرا على مشاركتك وما بخفي عليك انه رأيي من رأيك

انا بحس هاي القصة ما الها دخل بشب وبنت يعني الشاطر شاطر وما بصير نعمم
انو كل الشباب لو درسو اكتر بجيبو اعلى او انو كل البنات بيحفظو وما بيفهو اللي بيحفظوه
وبعدين ما في حدا بيدرس من الزهق
هلأ اي حدا ازا كان زهقان ومتدايق لو عليه اكبر امتحان مستحيل يدرس ويركز
بس يمكن الاهل برضو بيأثرو هلأ لو البنت رسبت بمادة ما بيعطوها تبريرات متل لو كانت ولد
يعني ازا ولد رسب الام بتقول مسكين دمو محروق لانو رسب والله يعينو
بس البنت الكل بيقول ابصر بإيش كانت ملتهية ولا بإيش بتفكر
فالبنت ما بتحط حالها بهيك موقف وبتدرس منيح وبرضو ما بنعمم
لانو مو البنات بتفرق معهم ولا كل الاهل هيك
ومعبى شباب شاطرين ومعبى شباب بصيمه

معك حق سوسن هذا الحكي برضو في اشي منو
شكرا على المشاركة والرد الرائع

والله انا بشوف انو كل واحد بدرس بجيب ع قد ما تعب
بس في حقيقة لازم ما ننكرها انو البنات عندهم صفة الحنكة
يعني البنت خلال دقيقة عندها استطاعة انها تجاوب على سبعة اسئلة
اما الشاب يستطيع انو يجاوب على ثلاث اسئلة خلال دقيقة
كيف معطم يا صبايا وانا اوقف مع الحق
واشكرك اخ محمود على الموضوع الحامي

كلامك مزبوط ومثبت بدراسة علمية انه المخ بتكون من فصين فص أيمن وفص أيسر
الرجل تركيزه في أحد الجانبين أكثر من الثاني والمرأة بكون تركيزها تماما عكس الرجل
وتوصلت هذه الدراسة انه المرأة كائن اجتماعي بالفطرة وعادة ما بتواجه صعوبة في انها تلعب لسانها (الثرثرة) > أصلا هذه صفة مشهورة فيها

اشي طبيعي انو في كل مجال يكون الشاطر والمو شاطر
وكل شخص له مكان يبدع فية فحسب شب او بنت
وما بقدر احدد مين اشطر من مين
لانو اخر احصائيات الي عملتها سنة 2007 يعني قديمة شوي

اقتباس :

اشي طبيعي انو في كل مجال يكون الشاطر والمو شاطر
وكل شخص له مكان يبدع فية فحسب شب او بنت
وما بقدر احدد مين اشطر من مين
لانو اخر احصائيات الي عملتها سنة 2007 يعني قديمة شوي

بس معظم الاحصائيات تظهر تفوق أكاديمي وعلمي ملحوظ لصالح البنات
يمكن اجا الوقت أحكي رأيي الشخصي
برأيي الشخصي إنه الرجل أشطر في الأمور يلي تتطلب حكمة وتعقل مثل رئاسة الدولة أو قيادة الجيش أو الحالات المستعصية بالطب وغيرها من الأمثلة والسبب انه بحكم عقله في حين تتأثر المرأة بالعواطف لذا لا تصلح المرأة لتبوء منصب سياسي خطير مثل رئاسة الدولة مثلا ودليل على كلامي بريطانيا فيها ملكة مش ملك بس يلي بدير أمور الدولة رئيس الوزراء، حتى أكثر الدول تحررا في أوروبا وأمريكا تعرف هذا الاشي، أما المرأة فبحكم عاطفتها تصلح للمهن اللينة مثل التدريس والتمريض وغيرها من المهن المعروفة لديكم

برأيي البنت زي الشب تماما في الدراسة لكن السبب في تفوقهم هو البنت قدامها خيارين بس إما تقعد في البيت وتستنى نصيبها أو تدرس وتشتغل وتثبت ذاتها، فهي بتدرس باجتهاد حتى تتحدى المجتمع الذكوري وتثبت ذاتها في المجتمع، أما الشب لو فشل في الدراسة ممكن يشتغل في أي شغلة وما راح تأثر عليه كتير وما بتشكل الدراسة اله أي تحدي إلا إذا كان طموح وحب يوصل لمناصب ويرتاح ماديا

هذا رأيي الخاص بتمنى تناقشوني فيه سواء سلبا أو ايجابا
وشكرا للجميع على المشاركة والتفاعل مع الموضوع

المناصب السياسية والعليا من الافضل انها تكون في يد الرجل انا معك في هاي
بس فشل الشباب في الدراسة مشكلة وراح تأثر علية كتير خصوصا في الوقت الحاضر
لانو اغلب الصبايا سار معهم شهادات وما بيقبلوا إلا رجل متعلم وكمان البنات اخذوا مناصب الرجال في الوظائف (ما خلوا للرجال شغل)
ولازم الرجل يوصل مراحل اكاديمية عالية عشان يكون في تكافؤ في التعليم مع شريكة حياتة .

اقتباس :

بس فشل الشباب في الدراسة مشكلة وراح تأثر علية كتير خصوصا في الوقت الحاضر
لانو اغلب الصبايا سار معهم شهادات وما بيقبلوا إلا رجل متعلم وكمان البنات اخذوا مناصب الرجال في الوظائف (ما خلوا للرجال شغل)
ولازم الرجل يوصل مراحل اكاديمية عالية عشان يكون في تكافؤ في التعليم مع شريكة حياتة .

أنا معك في هاي وبوجه نداء عاجل لكل بنت اتركولنا كمن وظيفة

انا بالنسبة الي الي بدو يدرس بيدرس وبجيب علامات سواء بنت او شب
ما في حدا اشطر كل واحد على قد ما درس بجيب
وكل انسان سواء كان بنت او شب عندو الملكات والقدرات الي بتناسبو في بنات اذكيا وفي المثقفيين وفي...........وكمان الشباب نفس الشي
شكرا على الموضوع

عفوا وشكرا لك على المشاركة

بالاول يسلمو على الموضوع
تاني شي هوه هاي شغله بعتمد على الشخص زاته
فنحنا هون بنحكي بالعموم
بالعموم البنات اشطر من الشباب وهاي شغله مافيها نقاش
اما ازا بيحكوا الشباب انه همه اشطر بس ما بتابعوا وبيلتهوا
والبنات بتابعوا وما بيلتهوا بشغلات كتير ه متل اللي بيلتهوا فيها الشباب
هاد دليل على انه البنات اذكى واشطر لانهم عارفين مصلحتهم مزبوط