شائعات كليه عمان

يا جماعه كليتنا رهيبه .. بتشوف وبتسمع اشيا ما بتسمع فيها غير بكليتنا ... كليتنا... عامله متل النسوان .. مصدر شائعات


هديك اليوم .. عم بدرس للامتحان... اجا زميل يسلم علي... واتفاجئت انه بعاتبني ليه اخبي عليه قصتي...

وسالته شو هي قصتي؟؟

بحكيلي حبيتي واحد وانسجن وانتي تخليتي عنه وحولتي لكليتنا....

انا بسمع وبضحك... وبحكيله .. بالله جد؟؟ شو في كمان اخبار عني؟؟؟

جد كليتنا اشي مو طبيعي بالشائعات...

احكولنا عن الشائعات اللي سمعتوها عنكم...



حسيت حالي بسمع قصه فلم

ههههههههههههههههههههههههههههه

بس يعني الشب من وين جاب هالمعلومات

وانت حستي انه متلبك وهو بحكي والا بكل ثقة

وعادي بامكانك ما اتجاوبيني

هاد زميلي اصغر مني بسنتين... وجاي بعاتبني انه من متى بخبي عليه...

وطبعا كان يحكي بثقه ...

وهاد الحكي سمعه متل ما كل واحد فينا بعرف معلومات عن التاني..

هلا متل ما تكون انت مع شلله شباب وتمر بنت او يمر شب.. وواحد يحكيلك هاد الشب اللي امبارح انطرد او الخ من الامثله...

وانا هيك انه كان مع شلله شباب وبحكولو من متى بتعرف هاي البنت.. هاي البنت اللي تركت حبيبها لانه انسجن وحولت من الجامعه واجت هون...

انا اخدت الموضوع بضحك لانه جد انه موضوع فاشل...

انت احكيلي عمرك سمعت معلومات عن حالك؟؟

يلا معلش الواحد طول ماهو عايش بضل يتفاجأ بالاشياء اللي بتصير حواليه ومنيح كتير انك اخدتي الموضوع بضحك عنجد

انا بالنسبة الي اجت صاحبتي مرة بتسألني انت بتعرفي فلانة؟
قلتلها بعرف شكلها بس ما في حكي بيني وبينها ولما سألتها انو ليه بتسألني
قالتلي انو صاحبها للبنت جاي حاكي لصاحبتي انو انا ماسكيتها وقايلتلها انو بحكي مع وحدة تانية
وانو ديري بالك لانو البنت بدها تخرب بينكم متل ما خربت بين فلان وفلانة

المهم طلعت شباكة على اخر عمري والمشكلة اني لا بعرف الشب ولا البنت


بس المشكله اني ما قدرت اخد الموضوع بضحك وقعدت ابكي انو يعني انا مالي ومال هالقصص

عالم فاضية !! عاملين متل نساوين الحارة ومن قصة لقصة

اقتباس :

انا اخدت الموضوع بضحك لانه جد انه موضوع فاشل...

بالفعل اعملتي عين العقل

ولو كنت محلك بعمل هيك

اقتباس :

انت احكيلي عمرك سمعت معلومات عن حالك؟؟

اه بس انا لو كانت القصة ما في منها

لازم اعرف مين وراها

من باب الواحد يعرف صاحبة من الغير

شكرا كتير لردودك وتفاعلك يا خليل

العفو

i love me

لا تاخدي الامور بجديه خاصه بهيك ظروف
.... لانها كلها اشاعات ... عادي....

اسمعي وانسي....

وصدقيني اللي ما بعرفك بجهلك..... وهدول جاهلييييييييييييييييييييييين

انسي ولا تزعلي ولا تبكي او تعصبي على هيك مواقف...


يسلملي مرورك يا حلوة

العفو

اه اكيد الواحد بيتعلم من هيك مواقف عادي

تانكس عالموضوع الحلو

معك حق يا First Dawn الشائعات في كلية عمان عاملة زي البورصة هذي الأيام

اقتباس :

صحيح زي ما بقول المثل: يلي استحوا ماتو !!!

وبنصح كل واحد تعرض للشائعات ما يهتم فيها لأنه بكل بساطة لا تقذف بالحجارة إلا الأشجار المثمرة

hi a7lashabab

w t y kteer 3la mororak

w kalamk sa7

yeslamo0o

انا مره سمعت
انه صاحبتي خطفت مني الي معجبه فيه
عشان هيك ما بحكي معهاا...

طبعا ما اله دخل بشي من هالاشياء وكنا نحكي عادي!!!

هههههههههههههههههههه

مسكينة يا همس

ضحكو عليكي واخدوا حبيبك منك

ولا يهمك

سيبيهم ولا تلومي حد
تافهين هدول

الله يعينكم اذا هيك الوضع عندكم
بس تذكروا دائما(دع الكلاب تنبح والقافة تسيير)

كلام الناس لا بيقدم
ولا ايأخر
كلام الناس ملامة وحيرة مش اكتر
انا مني وعلى ما بهتم لحدا ولا بسمع كلام من حدا
حتى اذا اجت وحدة تنقلي حكي ببهدل صحتها وما بخليها تكمل
لانو اذا سمعتلها ما رح اخلص
فاحسن بجيبها من الاخر وما بعطيها مجال
واذا سمعت عني اي شي (اذا كان شي عادي يعني ما بياذيني شخصيا وبطريقة مباشرة)
بطنش وما في اشطر مني بالتطنيش
وعلى فكرة لما الواحد يطنش الي حكى عنو بيفقع وبينقهر
لانو لما تحكي بيكون قصدها انو تعصبني او تخليني اجادلها
فانا ما رح انولها الي ببالها

اقتباس :

كلام الناس لا بيقدم
ولا ايأخر
كلام الناس ملامة وحيرة مش اكتر
انا مني وعلى ما بهتم لحدا ولا بسمع كلام من حدا
حتى اذا اجت وحدة تنقلي حكي ببهدل صحتها وما بخليها تكمل
لانو اذا سمعتلها ما رح اخلص
فاحسن بجيبها من الاخر وما بعطيها مجال
واذا سمعت عني اي شي (اذا كان شي عادي يعني ما بياذيني شخصيا وبطريقة مباشرة)
بطنش وما في اشطر مني بالتطنيش
وعلى فكرة لما الواحد يطنش الي حكى عنو بيفقع وبينقهر
لانو لما تحكي بيكون قصدها انو تعصبني او تخليني اجادلها
فانا ما رح انولها الي ببالها

بس مرات في بعض الناس ما تستحي واذا ما رديتي عليهم ووضعتيلهم حد راح تكثر الاشاعات وتكبر وراح تصير كتير بتضايق
فأنا برأيي لو كانت الاشاعة صغيرة فتطنيشها هو الحل بس لما تكبر ويكثر الكلام خاصة اذا بمسك شخصيا وبمس كرامتك (للشباب) أو سمعتك (للبنات) لازم تحطيلها حد، حتى لو ما عرفتي مين يلي بحكيها "أصلا شخص جبان يلي بطلع اشاعات خاصة على البنات لأنها مش من صفات الرجولة انه الشب يقعد يثرثر على فلان وعلتان زي النسوان"

تكريتي

اسمع

كلام الناس لجورج

وانسى الدنيا

ههههههههههههههههههههههههههههههههههههههه

يعني مش عارف كيف اجتوا الجراة انوا يحكي والله اول مرة بشوف هيك موقف وهيك اشائعة بتنحكى هيك

يا ستي مش اول مرة نسمع اشاعات كل يوم حتى برا الكلية بكل الاماكن بتسمع الاشاعات مصايب

بعدين نسمي كليتنا

مدرسة عفوا كلية الشائعات لانوا فعلا لسا في ناس عقلها اصغر من حبة العدس

ههههههههههههههههه
حلو ردك عمو حبوب

شكرا كتير على مرورك

الموضوع حلو من ناحية الكلية هادا اشي عادي زي المي الي ابتنشرب ما بستغنو عنها ما تزعلو شباب انتو في جامعة عنه اكتر ناس عندكم اخبار وثرثرة بستغرب منكم صح البنات بحكو بس بالكلية لاحظة الشباب اكتر من البنات
واي شخص واجه اشاعات عنه لا يهتم اكتير بس انا للاسف من الناس الي بدايئ بسرعة وما بعرف امسك اعصبي المهم يطنش لانو همهم يوجعو راسك مع تمنياتي الكم بتوفيق ورد فعل احسن

السلام عليكم
منيح ما انفعلتي وأخذتيها ببرود أعصاب لأنو
هذا الشب حب يمزح معك ويشوف ردت فعلك - أكيد ما في غير هيك -لأنو أنا وصحابي مرات بنطلع اشاعات بين بعض على حالنا بس مشان نعجق بعض ونضحك ونمزح
وبالآخيرالكل بيعرف انها مزحة مع انها مبينة جد
- طيب الشب طلع من السجن - ههه

وعلى العموم الاشاعات موجودة بدم الناس وين ما نروح
واقبلي تحياتي