شو رأيكم بلباس البنات و الشباب

شو رأيكم بلباس البنات والشباب هاي الايام؟
هل الشاب بوافق يرتبط بفتاة غير ملتزمة بالزي الشرعي؟
وايش شعورك وانت ماشي معها وشافك واحد من اصحابك؟
هل الفتاة بتوافق ترتبط بشاب لابس بنطلون خصر ساحل مثلاً وعمال شعرة واكس؟
وايش شعورك وانت ماشية معه وشافتك وحدة من صحباتك؟
ع فكرة هاد اول موضوع اشارك فية .
بدي ردودد من دون احراج.

بسمة كتب:: شو رأيكم بلباس البنات والشباب هاي الايام؟
بصراحة مع بداية الصيف الواحد صار يشوف اشياء غريبة وما كنت اتصور انا نوصل الها

هل الشاب بوافق يرتبط بفتاة غير ملتزمة بالزي الشرعي؟
بصراحة بالنسبة الي هذا اشي اكيد لازم البنت تكون محجبة بس هذا لا يعني انه كل المحجبات ملائكة
لانه للاسف في منهم اسائو لهذه الفئة من المحجبات
هل الفتاة بتوافق ترتبط بشاب لابس بنطلون خصر ساحل مثلاً وعمال شعرة واكس؟
وايش شعورك وانت ماشية معه وشافتك وحدة من صحباتك؟
بصراحة الفتاة الي عندها مبداء وبنت لا تخدع بالمظاهر اكيد ما حتوافق
الجزء الثاني من السؤال مش الي
ع فكرة هاد اول موضوع اشارك فية .
اهلاَ وسهلاَ فيكي يا بسمة ولا تحرمينا من مواضيعك
بدي ردودد من دون احراج.

اهلا بسمة موضوع كتير حلو
اولا الشباب مش كلهم متل بعض يعني يمكن واحد يقبل والتاني لأ
انا اخواني التنيين واحد مستحيل يقبل يرتبط بوحدة مش محجبه حجاب كامل
لإنه بنظره المقياس هو المظهر الخارجي والتاني لأ عادي لو ما كانت محجبه
والبنات نفس الشي كل وحدة الها نظرة وحتى نفس الشخص يمكن تتغير نظرته للأمور
انا شخصيا ازا بدي أرتبط بشخص ما بحب يكون زي الاطفال يعني لازم يكون "زلمة"

اشكركم على المرووور
وهاد رأي شخصي

مرحبا بسمة
انا براي اللبس هو بعكس شخصية الانسان بس مش دائما انا تعلمت ما نحكم على الناس من مظهرهم الخارجي ابدا يمكن تلاقي بنت محجبة ومش تاركة شي غير عاملتو ويمكن تلائي بنت مش لابسة شرعي بس الكل بحترمها
وانا بالنسبة الي بحب الواحد يكون لبسو مرتب وحلو
وصدقيني انه اللبس هاي الايام هو الي بخلي الي قدامك يحترمك ويقدرك لانه بيعطي الانطباع الاول عنك
وشكرا على الموضوع

اشكرك على المرور وهاي وجهت نظرك angel

اهلا وسهلا فيكي يا بسمة
موضوع جميل ..
احنا هلا بزمن مختلف تماما ..
صار اللي يربي اللحية يربيها منظر بس او موضة
بطلت اتدل على الوقار والدين والعكس مع البنات
البنت اللي محجبة حجاب كامل بطل ينعرف اذا هيه منيحة او لا والعكس صحيح تماما
عموما عشان تحكمي لازم تخالطي الناس وما بكفي النظرة الاولى
اما عني لازم تكون البنت محجبة ومنيحة وكويسة من كل الجوانب
تسلمي بسمة على الموضوع

اشكرك على المرور اخ محمود

hi basma

awal shi bal nsebeh lalbas almar2a

mo lbsha 2ly be7kom 3al amoor

mmkn tkoon m7ajbeh b3'eer eradtha

w mmkn tla2y mo m7ajbeh btswa kol albnat

ana mn wjhat nazry ma bman3 ano tkoon albnt mo m7ajbeh

w ma bman3 eno alshabab tetb3 almoda

w hada alshi ma b2asr 3ala sh5seto

e2baly ra2y set basma

w ahlan feeki

شو رأيكم بلباس البنات والشباب هاي الايام؟

حدث ولا حرج

هل الشاب بوافق يرتبط بفتاة غير ملتزمة بالزي الشرعي؟

في ناس بتوافق
وفي ناس ما بترضى
بس بالنسة إلي إنه البنت أكيد لازم تكون أخلاقها عالية
قبل الحجاب
لأنه الحجاب بدون أخلاق على الفاضي
والبنت إلي عندها أخلاق بتعرف شو بعني الحجاب للرجل

وايش شعورك وانت ماشي معها وشافك واحد من اصحابك؟

عادي ما فيها أي إشي
ولو إنه صاحبي عنجد
أكيد راح يحترمني ويحترمها

مشكورة على الموضوع
وأهلا وسهلا فيكي بسمة

اشكرك اخ مودي على المرور
وبتقبل رأيك بكل احترام

اشكرك اخ عمار على المرور
وانا بحترم وجهت نظرك

المهم عندي يكون زلمه
شعره واكس عادي ما فيها شي
بنطلونه ساحل لدرجه معقوله طيب
بس اذا زياده لاا
او بقوله انه ما تلبسه هيك!!!

بس اذا الشعر واكس او جل او هيك مو مقياس على شخصيته
ابن جيرانا ما شاء الله عليه
حافظ القرأن كامل
فيعني مو مقياس هالشي..
المهم زلمه وبيفهم...

اما البنات حاليا لبسهم..
الله يهديهم وبس..

شكرا على الطرح بسمة
انا بالنسبة اللي بعارض كلام كتير منكم
لأ،كم عندكم قناعة انه اللبس ما بيعكس شخصية او تعامل البنت او الشاب
بس فعلا لما تخكي عن البنت لما تتنازل عن الحجاب متلا
ممكن وبسهولة تتنازل عن امور تانية تتعلق بالدين
بس طبعا مو كلهم
ولكن برضوا بنحكي كمال جمال المرأة هو الحجاب
وبالنسبة للارتباط بفتاة
طبعا لما تكون البنت حشمة ومحجبة
كل ما كانت المحبة اكتر
واكتر
اما الشاب طالما مستوور وبغض النظر عن تخبيصاته بس بحدود العقل
ما في مانع

اشكرك على المرو اخ احمد
كلامك عن البنات اقنعني بس عن الشباب ما اقنعني
وهاي وجهت نظرك

شو انسة بسمة , داخلة على المنتدى بالقوة !!!!!!

هلأ بنسبة ل لبس البنات المحجبات : مو كل وحدة غطتت شعرها صارت محجبة ، يعني حدث ولا حرج ، بكون اللبس ديق او مفصل الجسم ، غير المكياج " الاوفر " ,.

اما بنسبة للإرتباط فيها ، فراح يكون عادي ، مستعد ارتبط فيها على امل اغير اشي في لبسها
" الكلمة الحلوة ماشية " ، من غير ما ننسى هاي الاشياء من الحريات الشخصية .

اما ل الشباب ، فا لبسهم اكيد بعكس شخصيتهم ، وما ان حكينا " شباب " ف اكيد بنحكي عن النشاط و الحيوية و التجدد وبتالي رح ينعكس على مظرهم ولكن في حكم المعقول .

شكرا انسة بسمة على الموضوع الحلو

مشكوره بسمة على الموضوع الرائع...

بالنسبة الي انا بشوف انو لباس البنات في منو محتشم و في بلمره سواء اكانت محجبة او لا

ممكن تلاقي بنت متحجبة وماشاء الله عليه ...وبنت تانية متحجبة وياريتها مو متحجبة من لبسها

ونفس الشي للبنت الي غير متحجبة ...

اما بالنسبة للبس الشباب ....

فهو حر يلبس اي شي ما بتفرق عندي يعني يكون ساحل لدرجه معقولة ....لانو كل السوق بناطيل ساحلة

وهاي الموضه ....بس متل ما قلت لدرجه معقولة

اما الشعر ....انا بحب الصلعة على الشباب...

اما ادا كان عندوا شعر فبخلي يقصوا زيروا...

يسلموا بسمة على الموضوع

بسراحة البنات صار لبسهم غريب كأنهم مفكرين حالهم بامريكا
والشباب ماخذين مقلب بحالهم
وانا شخصيا ما بوافق ارتبط في بنت مش لابسة الزي الشرعي
مع اني صغير على هاد الحكي