ليش انت - انت ؟؟؟

السلام عليكم
يا عمي يا هيك المواضيع يا بلا
أنا بنظري وتجربتي الشخصية في تكوين شخصيتي
أول شي الأهل الأهل الأهل
بدون نقاش
بس هذا ما ضل على حاله لأنو الواحد عم يخالط أشكال وألوان
بس يللي عندو أساس بضل عندو ولو جزء صغير
والمدرسة كمان الها تأثير
وعلى فكرة صح انو الصاحب بأثر بس انا بنظري مو كتير لأنو أنا لما أختار واحد يكون صاحبي أول شي بهمني انو يكون تفكيرو قريب من تفكيري ولو بجزء قليل
وسبحان الله " الطيور على أشكالها تقع "
وأنا بأيد فكرة انو الغربة بتعلم
وبتأثر بالشخصية
عالعموم أهم شي انو الواحد يكون مقتنع بشخصيته الايجابية طبعا وما يأثر عليه شي هو مو مقتنع فيه
....
تحياتي العطرة
Anas.Marwan.Hamameh

موضوع كتير حلو وسؤال صعب
انا برايي انه الاهل اولا وبعدين بتيجي معتقداته للفرد الي بكونها لتتحكم بشخصيته وتميزه عن غيره واكيد الاصدقاء الهم تاثير بس مش كتير لانه لما تصاحبهم انت اصلا بتكون شخصيتك تكونت وخلصنا بس ممكن ياثرو بمقدار محدود
شكرا محمود على الموضوع

صح محمود بس لما يسحبك صاحبك انت شو بتكون ؟؟؟(بحكي بشكل عام مش انت المقصود)
بتكون بتفتقر للشخصيه وبهاي الحاله هو رح يكونلك اياها زي ما بده وبعتقد انه هيك غلط صح؟؟؟

موضوع رائع متل دايما يا محمود

انا والله بحس انو البيئة هي اللي بتلعب الدور الاكبر

يعني حتى لو الاهل جايين من القمر بس ساكنين في حارة معفنه

اكيد رح تطلع الشخصيه زباله لو شو ما حاولو الاهل انهم يحطو حدود لكل شي

ويمشو قوانينهم على ولادهم وبتجي المدرسه تكمل والعكس صحيح طبعا

ازا كانت البيئة منيحة والمدرسه زي العالم والناس بتطلع الشخصيه عين الله عليها

بس بالنسبه لإلي انا الجامعه هي اللي قلبت شخصيتي كلها وغيرتني كليا

فهي اللي حددت شخصيتي اللي انا عليها هلأ

انا برايي كل شي بصير معك بحياتك اذا كنت بتتذكرو اولا هو سبب في شخصيتك
شخصيتك هي خلاصة تجربتك وخصوصا التجارب الصعبة لانها هي الي بتأثر عليك اكتر
يمكن هي جزء من اهلك قرايبك صحابك مدرستك تجاربك خوفك قوتك طفولتك
شكرا محمود على الموضوع

اقتباس :

قراراتك الك ما حدا بحكي غير هيك ..
يعني طريقة التفكير تبعتك بتكون ناتجة عن زمن وخبرة لكل واحد
واللي حواليك اخدتي منهم اللي بدك ياه وتركت اللي بدك ياه
واحنا شو ما صرنا بعدنا ابنتعلم صح
نورت يا مودي

انا اول شي كان في اهلي
امي وابوي وخواتي وعماتي وعمامي وخوالي كمان
لانه كتير قراب من بعض الحمد لله

المدرسه بشكل عام

الغربه!!!والحياه الي عشتها فيهاا
والمدرسه فيها طبعا شي تاني

رجعتي من كندا لهون وتأثيرها فيّ!!!

دورات التنمية البشريه غيرتني كتير وخلتني ايجابيه بأكتر الاشياء
وصاحباتي بس مو لدرجه كبيره!!!
واخر شي اكتر من تجربه مريت فيهم بالجامعه ومواقف ما توقعتها من ناس غاليين عليّ...

بيكفي هيك...