تحليل شخصية همس الحب

فكرة حلوة يا محمود

بس للأسف من وجهة نظري تحليلك لشخصية همس فيها اخطاء

وبتمنى انك تحاول ما تسيء للشخص الي بتحلل شخصيته

اقتباس :

فكرة حلوة يا محمود

بس للأسف من وجهة نظري تحليلك لشخصية همس فيها اخطاء

وبتمنى انك تحاول ما تسيء للشخص الي بتحلل شخصيته

يمكن يكون تحليلي لشخصية همس فيها أخطاء وتحليلي للشخيات الثانية كمان، أنا ما بعرف همس شخصيا كتير وكل يلي بيني وبينها سلامات مش أكتر، وأنا حاولت أكون حيادي واعتمدت في تحليلي على كتاببتها، وأنا ما بسيء لأي شخص، أصلاً ما في بيني وبين همس إلا كل خير ليش بدي أسيء لها؟!!!! وإذا كنت معتبر تحليلي لشخصية همس محاولة اساءة، معناته لازم أعتبر ردك على الموضوع محاولة ايقاع فتنة بيني وبينها !!!! على كل حال شكرا على الرد وبستنى الرد من باقي الأعضاء وخاصة همس الحب عشان تعطي رأيها بالموضوع وعلى فكرة وزي ما حكيت كل انسان عنده اجابيات وسلبيات، وحكيت الهدف من التحليل معرفة أكثر عن جوانب الشخصية، نحن العرب دايماً هيك لو ترجع للموضوع راح تلاقي ايجابيات كثيرة لشخية همس، مقابل سلبية وحدة أو اثنتين ذكرتها، ومش عارف ليش ركزت على الاشي القليل، وبدي أحكيلك انه كلنا عنا سلبيات وأنا حللت الشخصية بطريقة مؤدبة جداً وما بظن انه فيها أي تجريح، وحكيت بصريح العبارة انه مستعد اتحمل أي انتقاد لشخصيتي وبالعكس هذا يلي بدي ياه عشان اعرف نظرة الناس لي وذكرت في آخر الموضوع:-

اقتباس :

(أعتذر إن كان التحليل قاسياً، وأتمنى الرد على مدى دقة تحليل شخصيتك)

بس يبدو انه البعض بقرأ يلي بده ياه وبطنش باقي الموضوع، وبرجع بعيد اذا اعتبرت هذا التحليل محاولة اساءة لهمس (وأنا أرفض اعتباره كذلك، بالعكس أنا بحترم همس وبقدرها وبعتبرها صديقة) أنا من حقي اني أعتبر ردك على الموضوع محاولة لاثارة فتنة بيني وبينها (وكما يقول المثل: "العين بالعين والسن بالسن").

اقتباس :

هلا بمحمود ..
اسمحلي اني اعارض وجهة نظرك ..
مو شايف هدف لهيك مواضيع هاي اولا
انه تبين انه الانطباع الاول او ما في القلوب مو بالضروري علانية هاي ثانيا
حاب تحكي وتبين وجهة نظرك بالشخص احكي معه شخصيا او راسله لانو هيك ابتمنعه من الاحراج اللي ممكن يصير
بالنهاية هاد رايي الخاص
وبترك الموضوع لنرى اراء الاعضاء

أنا معك في هذه النقطة وبستنى آراء باقي الأعضاء وخاصة أصحاب العلاقة همس وصالح
وما راح أكمل حالياً سلسلة تحليلي لباقي شخصيات الأعضاء حتى أشوف على ايش بدنا نتفق
مشكور محمود

بصراحة انا مو شايفة الفكرة غلط أبدا بالعكس انا بالنسبه إلي كتير بحب هاي المواضيع
لإنها بتفرجي الواحد وين الاشياء اللي الناس بحبوها فيه ووين الاشياء اللي بتدايقو منها
ومنيح كمان انو محمود اتاح فرصه لباقي الاعضاء انهم يشاركو ويعطو آرائهم بالموضوع
أنا أول ما قرأت اسم الموضوع كتير لفت انتباهي وعجبني وبالنسبه لهمس انا شفت أيجابيات
كتير بتحليل شخصيتها "ولا تنسو انو محمود حللها من وجهه نظره ومن نطاق تعامله معها"
بس بنستنى برضو همس نفسها بس تعطي رأيها بالموضوع ومن حقها تعترض عن أي نقطه فيه
وبهيك بتكون وضحت جانب من شخصيتها كان في ناس فاهمينو غلط وأظن انو هاد كان الهدف

حكيتي يلي بدي احكيه بالزبط

شكراً i love me على الرد والتوضيح

محمود التكريتي كتب:

اقتباس :

هلا بمحمود ..
اسمحلي اني اعارض وجهة نظرك ..
مو شايف هدف لهيك مواضيع هاي اولا
انه تبين انه الانطباع الاول او ما في القلوب مو بالضروري علانية هاي ثانيا
حاب تحكي وتبين وجهة نظرك بالشخص احكي معه شخصيا او راسله لانو هيك ابتمنعه من الاحراج اللي ممكن يصير
بالنهاية هاد رايي الخاص
وبترك الموضوع لنرى اراء الاعضاء

أنا معك في هذه النقطة وبستنى آراء باقي الأعضاء وخاصة أصحاب العلاقة همس وصالح
وما راح أكمل حالياً سلسلة تحليلي لباقي شخصيات الأعضاء حتى أشوف على ايش بدنا نتفق
مشكور محمود

محمود انت حر اذا بدك تعتبر انه الي حكيته فتنة او لا

بس انت بنفسك حكيت انه عندك استعداد لتسمع النقد

ليش لما سمعت الي ما عجبك اتضايقت

وانا اطلعت على السلبيات لأنه احنا العرب بنطلع على السلبيات لتعديلها وتجنبها

مش مشان نفتخر فيها والمفروض الواحد يلفت النظر للسلبيات لتحسينها

والنقطة الاهم انا ما حكيت انك اسأت لشخصية همس بحد ذاتها

انا حبيت انبهك انك ما تحاول ما تسيء للشخصية الي بتحكي عنها

وانت حر حبيت ترد او ما ترد هاد اشي برجعلك

أنا يتفق معكم في اشي واحد ... انه كان لازم أخذ رأي العضو قبل ما أحلل شخصيته، وأنا بالفعل عامل سلسلة تحليل شخصية لأكثر من عضو في المنتدى، ودعوت كل أعضاء المنتدى انهم يحللوا شخصيتي، ولو حلل 250 عضو شخصيتي وكان فيها كلام سلبي ما راح أزعل، واذا بدكم تتأكدو جربوا !!!

مجدي ... أنا لو انتقدتني ما كنت زعلت، يعني عمار ومحمود بدار وغاندي وغيرهم كلهم انتقدوني وما زعلت، بس لما تيجي تقول محمود بكتب مقال بقصد الاساءة لفلان وفلان فهذا مش انتقاد، هاي صارت شغلة ثانية، وأنا قلتلك من قبل وركز على الكلام

اقتباس :

وإذا كنت معتبر تحليلي لشخصية همس محاولة اساءة، معناته لازم أعتبر ردك على الموضوع محاولة ايقاع فتنة بيني وبينها

اعتذر منك حج غاندي

محمود ما بدنا نضل نحكي بدائرة مغلقة

انا حبيت الفت نظرك لشيء معين مش اكثر وانا ما الي اي دخل بأي شخصية بحد ذاتها

ولما حكيت قصدت بشكل عام لأنه هاد اول موضوع من السلسلة

وعلى كل حال بتمنى تقبل انتقادي بصدر رحب

والله انا رايي من راي الشباب
يعني لازم تاخد راي العضو بالاول يعني همس اليوم انا حكتلها عن الموضوع واتفاجأت
بس على فكرة محمود في شغلات محللها غلط بشخصيت همس وممكن تزعلها

شكراً فطوم على ايضاح الرأي

أنا اعتذرت أكثر من مرة على تحليل الشخصية قبل أخذ موافقة الشخص

حللت أنا بالأول شخصية همس وصالح، واخترت هذول الثنين بالذات لأني بتوقع انهم ما راح يزعلوا فالاثنين بمتازوا بالوعي وقوة الشخصية والقدرة على الدفاع عن النفس، وكنت ناوي بعدين أحلل شخصية بدار والعجوري وسيف وانت وريمي وبعض الأعضاء الآخرين، كفكرة جديدة وغريبة على أي منتدى، الهدف منها التصارح بين الأعضاء ومعرفة تفكير الآخرين ووجهات نظرهم وبالتالي تزيد العرفة والصداقة ونكسر الحواجز يلي بينتنا.

صالح تفاجئ كمان اليوم لما عرف اني حللت شخصيته، بس بعتقد انه الاثنين بمتلكوا شخصية قوية وأوعى من انهم يردوا على كلام واحد أو أكثر بحاولوا يعملوا فتنة أو الهم أهداف أخرى ما زالت مجهولة !!!

بانتظار همس

أنا بوافق الكل على إنه لازم أخذ رأي العضو قبل تحليل شخصيته، وبالنسبة لتحليل شخصيتك ما تستعجلي بعد ما تخلص هذه المشكلة الصغيرة بوعدك أحللها أصلاً دورك كان بعد صالح مباشرة، والمرة الجاية انتي وسيف (اذا حب أحلل شخصيته)

تعرفي شعور واحد كان شوبان ودخل بيت فيه مكيف فجأة، أنا حسيت بنفس الشعور لما رديتي بهذا الشكل على الموضوع، فالكل نازل فيي طخ !!!

[quoteتعرفي شعور واحد كان شوبان ودخل بيت فيه مكيف فجأة، أنا حسيت بنفس الشعور لما رديتي بهذا الشكل على الموضوع، فالكل نازل فيي طخ !!!][/quote]

اقتباس :

وانا بستني تحليل شخصيتي ما اطول...

ولا يهمك ان شاء ما راح أطول

أنا بتفق معك على انه كان لازم أخبرك وهذا الاشي الوحيد يلي بعتذر عنه وما راح اعتذر عن اي اشي ثاني

ثانيا: من حقكك طبعاً انك ترفضي التحليل أو تقبليه
بس جميع ما ورد في التحليل مقتبس من مقالات انتي بنفسك كتبتيها وما ظنيت انها تكون سر لأنك أعلنتيها بنفسك

ثالثاً: أنا مش عالم نفس بس كانت فكرة موضوع وحللته من وجهة نظري ومش انتي الأولى ولا الأخيرة كانت سلسلة تحليلات

رابعاً: يلي بتحكي عنهم دافعوا عنك، أنا ما كنت بدي رأيهم أصلاً أنا كان بهمني رأيك في التحليل ورأي صلاح في التحليل ومش أي واحد ثاني، وأنا ما بهمني بصراحة أي حدا بدافع عنك، لأنه عندك لسان !!!

خامساً: من حقك انك تغضبي على التحليل وبظن انك معترضة على النصوص التالية:

اقتباس :

لا تسامح بسهولة، فإن أخطئ شخص معها قد تكون نهاية العالم !!!

اقتباس :

لا تفكر حالياً في الحب، فالأولوية عندها للدراسة، وتفضل الصداقة، لكنها لن تمانع بأن تحب الشخص الذي يجسد في مخيلتها فارس الأحلام – إن وجد – ومن الصعب جداً إن لم يكن مستحيلاً أن تجد هذا الشخص فهي تسعى لرجل كامل من منظورها الخاص.

اقتباس :

ليست مثل كثيرات غيرها، تتصور أن كل الشباب ذئاب مفترسة، فهي تعلم أن هناك الخير والشر، ولكنها حذرة في التعامل مع الشباب، نظراً لخروجها من تجربة عاطفية قاسية.

على كل حال بقدر أعطيك أسماء المقالات يلي كتبتيها، وما تزعلي اذا قلتلك انه اذا كان في تناقض فهو تناقض بين يلي تكتبيه وبين يلي تتصرفيه.

على كل حال، زي ما حكى غاندي اذا بدك نحذف المقال فليكن ذلك،
وراح أستمر في تحليل شخصية باقي أعضاء المنتدى وأولهم (ريمي) بعد ما وافقت على تحليل شخصيتها.

بعدين أنا مش عارف دافعوا عنك من ايش ؟!!!!!!!!

المقالة ما فيها تجريح ولا ذم ولا قدح !!! بس انها حيادية جداً وأصلاً ما في أي عداوة بيني وبينك

ليش بدي أهاجمك؟!!!!!!!!!!!!!!!!

وما شفتك أكثر من 3 مرات كانت ايجابية جداً !!!!!!!!!!!!!!

عدا عن هيك برأيي انك لازم تفكري ألف مرة لام يجي شخص معين ويحكيلك فلان حكى عنك هيك وهيك

انتي كتبت رأيك هسا بس للأسف كان رأيك جاهز قبل 12 ساعة على الأقل !!! الشخص يلي نقلك الحكي عبى راسك قبل ما تكتبي رأيك أصلا !!!!!!!!!!!!!!