انسحاب 3 دعاة من قناةالناس احتجاجاً على ظهور عمرو خالد عليها

زائر

انسحاب 3 دعاة من قناة (الناس) احتجاجاً على ظهور عمرو خالد عبر شاشتها !!!

· مدونة إبراهيم أبو زينة (http://abozenh.maktoobblog.com)

اعترف مصدر في قناة (الناس) الفضائية المصرية الدينية بتوقف ثلاث دعاة كبار يقدمون برامج فيها، بسبب ظهور عمرو خالد على شاشتها مؤخراً، وأفاد ذلك المصدر (بحسب مدونة إبراهيم أبو زينة) أن كلاً من محمد حسان ومحمد حسين يعقوب وأبو اسحق الحويني انسحبوا من القناة نهائياً، ولم يتم التوصل حتى الآن إلى اتفاق مع عمرو خالد ليقدم برنامجاً عبر قناة (الناس) الأكثر مشاهدة في مصر.

بيستاهلوا
لأنو هم بيسوو
الف واحد متل عمرة خالد
يسلمو محمود

ليش يعني و الله انه بجنن

اه ماشي
عشان هيك 3 علماء مو بس دعاة هدول الشيوخ تصرفوا هيك

اصلا انا مستحيل اعتبره شيخ
او داعية صحيح
هو يمكن الو اسلوبه
ولكن في اخطاء كتيييير عنده وتجاهلات بالدين

بس هو رغب كتير ناس بالدين
كمان اسلوبه فريب على القلب

مو ضروري لحيه و ليكون شيخ و ازا عنده اغلاط يستعملوا اسلوب تاني بما انه اله جمهوره عشان ما يخسروا الاتنين

زائر

أنا ما بقدر أحكم على عمرو خالد لأنه هذا الموضوع بدخل في النية وأنا ما بقدر أعرف شو نيته بس بأيد كلام رشا في انه داعية رائع وأسلوبه جميل ورغب ناس كتير بالدين حتى يقال أنه انتشار ظاهرة الحجاب هو سببها، وما تنسى يا أحمد انه الله يرسل في كل زمن رجل يصحح الأمور، فمين بعرف يجوز يكون عمر خالد هو هذا الرجل، زي ما كان عبد الرحمن الكواكبي من قبل رائد النهضة الإسلامية قبل ما يزيد عن قرن، وما تنسى مشروعه (صناع الحياة) وحملة مكافحة المخدرات في الأردن بالتعاون معه، بعدين مهما كان ما بحق للشيوخ الـ3 الإنسحاب، وإذا كانوا بدعوا انهم أكثر علم منه ليش ما يعملوا مناظرة ليحكموا على الداعية الأفضل، وما تنسى انه المميزين دايماً بتعرضوا للهجوم، وبحب أذكرك بشيخ الاسلام ابن تيمية يلي وقف بجهوا شيوخ كتير واتهموه بتهم باطلة عشان كانوا بغاروا منه

الله يرضى عليك يا محمود و الله انك روعه
هاد الحكي
احكيلكم اشي انا التزامي بالحجاب من ورا عمرو خالد و كل صاحباتي و بأيد حكي محمود انهم مولازمانسحبوا ييواجهوا مناظره قدام الناس
و اصلا عيب هيك يعملوا لازم يكونوا اكبر من التصرف

والله يا محمود كلامك صح 100% وازا كان عندو اغلاط فهو بالنهاية انسان اكيد رح يغلط
وهو دايما بقول انه مش مفتي ولا عالم عشان ما حدا يقول انو مفتي وبعدين انو بناقض حالو
وانا بالنسبة الي المهم انو الداعية يوصل للشباب بالدرجة الاولى وهاد اللي حققه عمرو خالد بفترة قصيرة
ولو ما كانت نيته صافية ما كان الله وفقه هيك وبصراحة الشيوخ التانيين دايما بيعطو دروس بالتسامح وبأخلاق المسلم
وشوفو هم شو عملو فكرهم بأثرو عليه؟ ما أظن هم هيك بيزيدو من شعبيتو

زائر

أكيد i love me انسحاب الدعاة وهجوم غيرهم عليه راح يزيد من شعبية عمرو خالد خاصة بين الشباب وكلامك رشا دليل على مدى تأثير عمرو خالد على الشباب والبنات في مجال التوعية الدينية

ومشكورين على المشاركة

أنا ما بقتنع فيه كثير أسلوبوا ما عجبني

في ناس كثير من وراه مثلا لبست الحجاب

يعني أنا ما بحكي عنوا مو كويس بس القلب وما يهوى

اه اكيد صالح بس اللي احنا بنحكي فيه انو حرام ينكرو فضلو على كتير من المسلمين
اللي لو ضلو هدول الشيوخ الف سنة عاسلوبهم ما كانو اثرو فيهم

شكرا تكريتي على الموضوع
بس عمرو خالد داعية رائع
وأسلوبه منيح
وكل داعية إله طريقته بالدعوة
وأكيد مش مهمة اللحية بالدعوة

نعم نعم انسة سوسن
هاد الداعية
يلي بيدعم المطربين
وبيقيمهم وبيكافئهم
متل ما عمل مع تامر حسني
وبعدبن بيحضر حفلات لفنانات
وراقصات
وبعدين ما بيطبق السنة والشرع على نفسة بأمور كتييييرة
يعني مستحيل اعتبره داعية او عالم اسلامي
وقال الشيوخ هديك لو يقعدو الف سنة على اسلوبهم
ما بيعملوا متل ما عمل
حرااااام عليكي يا سوسن
هلأ احكيلي
انتي تابعتي حد منهم
احكيلك انتي تابعتي عمرو خالد
والتزمتي بالشرع والدين عالقليل متل ما شرحلك ياه
بس نطبق على حالنا سوسن
بعدين بنحكي عنهم
والله يهدينا
سوري سوسن
اوكي Laughing

لا عادي احمد بس بكل شي كل انسان الو رأي
وبالنسبة الي اه الحمدلله استفدت منو كتير وعرفت اشياء ما كنت اعرفها
من قبل مع انو هدول الشيوخ كانو موجودين!
يمكن يكونو منح بس انا هاد تصرفهم ما عجبني ابدا
بعدين انت يا احمد شفتو بيحضر رقاصات؟؟؟؟؟؟؟؟؟؟؟؟؟؟؟
وبالاخر هاي وجهات نظر
كل حدا بيطلع على الموضوع من جهتو مشان هيك بدافع عن رأيو

اقتباس :: بعدين انت يا احمد شفتو بيحضر رقاصات؟؟؟؟؟؟؟؟؟؟؟؟؟؟؟

انا شفت صوره

وعكل حال الله واعلم

زائر

على كل حال يا أحمد ما سمعت عنه اشي عاطل، وان بعض الظن اثم، بعدين انت بتعلق عشنه كرم تامر حسني، بس لعلمك تامر حسني غنى (أسماء الله الحسنى) بعد ما قابل عمرو خالد، لأنه عمرو خالد بمتاز عن باقي الدعاة في إنه ما بكفر أي انسان وعتبره أخطأ وبحاول يصلحوه، وكانت النتيجة مجموعة من الأغاني الدينية الجميلة (من أجمل ما غنى تامر حسني) ويمكن لو ظلو يقابله لكان تامر حسني ساهم في هداية شباب المسلمين بأغانيه !!!

محمود
يعني مو نرووووح يمين ونرجع لأخر الشمال
خليك معتدل
يعني تامر حسني لو بيخاف ربه
ما كان قبل كم يوم عمل حفلة جنب
قاعة كان فيها محاضرات للشيخ مشاري العفاسي
بنفس الموقع يعني
خلينا واضحين
تامر حسني بيدور عالشهرة والفلوس وبس
مو عالدين
وعمرو خالد
ما حكيت انه عاطل
ولكن عنده اخطاء كتيرة

اقتباس :: اه اكيد صالح بس اللي احنا بنحكي فيه انو حرام ينكرو فضلو على كتير من المسلمين
اللي لو ضلو هدول الشيوخ الف سنة عاسلوبهم ما كانو اثرو فيهم
_________________

بس حابب إنو في شيوخ كويسين أحسن منوا كثير ومن أسلوبه مثل الشيخ د. العريفي هذا أسلوب ممتاز كثير و أحسن من عمروا خالد
[ألف مرة
و في شيوخ ملا اشوفهم على التلفزيون بطفيه و بقوم

فعلا يا صالح
وانا بالنسبة اللي عندي درجة اولى د . محمد العريفي
وبس يجي عالاردن ما بضيعله محاضرة

طبعا وانا كتير بحب اسلوبو وفي شيخ تاني اسمو
عبد المحسن الاحمد كتير اسلوبو حلو ويمكن بأثر في اكتر من عمرو خالد
بس النقطة اللي كنت احكي فيها انو تصرفهم غلط 100% ازا اسلوبو ما بيعجبهم هم حرين بس ما بصير هيك

انا بحكي مش لازم إنسحبوا من القناة لازم حكوا معاه بطريقة احسن من الغنسحاب

يعني مثل ما بدعوا الناس يدعوه هو ا

ايوة يا صالح
هاد هو اللي بدي اقوله من الاول