لمــــــاذا تصمـــت الفتـــــــاة عنـــد التحـــرش بهـــــا

والله بسؤال بحير
انا ما بعرف الاجابة و الي بعرفها يحكيها

أنا ما بعرف لأنو ما جربت


لما أكون بنت بحكيلك

خلي هذا الموقف يلي جربه بعطيك الإجابة الوافية

انا كنت مستني بنت تحكي عن الموضوع بعدين اطرح رايي وهاي اجت الفرصة

كلامك منطقي 100% همس، بس بدي أضيف واوضح كم نقطة، اذا ردت البنت على الشب يلي بتحرش فيها لفظيا، وأنا بحكي هسا بصفتي شب وبعرف ألاعيب الشباب، فهذه ثغرة مميتة ممكن تكون بذرة لعلاقة فيما بعد، لأنه من المعروف تسميتها بالكمين، وهذا الكمين بقوم على نظرية بسيطة هي التحرش بالبنت لفظياً مع الاستمرارية راح يخليها تتقبل التحرش تدريجياً، بل وحتى اذا يوم ما تحرش فيها لفظيا تسأل عنه - على الأقل بينها وبين نفسها - ولأنها - زي ما تفضلتي همس - تجربتها صغيرة في الحياة وخوفها من انها تخبر أهلها احتمال كبير تنحرف وتتعلق بالشب، وفي دراسة لأطباء النفس توصلوا إلى ما يسمى العلاقة العاطفية بين المجرم والضحية - مثل قضايا احتجاز الرهائن لاحظوا فيها ظاهرة غريبة وهي امكانية تعلق المرأة بالمختطف !!! - والسبب تعرضها لصدمة تجعلها تتعاطف مع المجرم، ونفس الاشي بالنسبة للتحرش لكن الصدمة تكون اقل بكتير، ومع التكرار في التحرش من قبل نفس الشخص ممكن تتعلق بحبه، لأنها بكل بساطة تعودت عليه !!!

وحل هذه المشكلة انه لازم تكون العلاقة بين البنت واهلها علاقة صداقة، وتبوحلهم بكل أسرارها بدون خطوط حمرا، وبعتقد انه في هذا العصر يجب تربية الأطفال على الثقافة الجنسية من قبل الأهل لينشأوا أصحاء وسليمين نفسياً، لأنه العصر اختلف واذا ما تعلموا هذه الثقافة بشكل ايجابي من الاهل راح يتعلموها بشكل سلبي من البيئة المحيطة والمدرسة والحارة والشارع ... الخ، وبالتالي تؤدي إلى انحرافهم وتدني شديد في مستوى الاخلاق والاداب العامة.

وهذا اشي ظاهر للعيان، بتشوف ولد لا يتجاوز عمره 5 سنين وبسب مسبات كبيرة وبذيئة، صح ولا غلط؟ شو استفدنا من كتمان أمور عليه بشوفها على التلفزيون والمواقع الاباحية؟ ولا اشي الا انه مستوى الاخلاق والتربية في العصر الحاضر لمعظم الاولاد صار عدم وهذا اهم سبب لانتشار ظاهرة التحرش بالبنات، أضف إلى ذلك نظرة المجتمع الدونية للمرأة وعدم احترامهم لها، فعندما لا يحترم الاب الام أمام اولاده، فالبتأكيد لن يحترم الطفل المراة حتى عندما يكبر

شوفو يا جماعة راي همس صح وصح كتير كمان
من ناحية انو البنت محافظة على حالها وما بتعمل المستحيل مشان حدا يرميلو تعليق عليها
يعني لو شب لطش بنت فموقف البنت الوحيد بهاي الحالة انها تسكت وما ترد علية لانو لو ردت علية بتكون عملت الشي الي هوة بيسعدة (انو يدخل معاها بنقاش)
وفي النهاية البنت خسرانة لانها ما بتقدر ترد علية بطريقة من مستواة مش لانها هبلة او ما بتعرف تسكتو وتوقفو عند حدو لأ ابدا لانها بالنهاية بنت
والبنت اي كلمة منها محسوبة عليها

وبس مش اكتر ولا اقل
وراي همس صح وزي راي تماما

السلام عليكم ورحمة الله وبركاته
والله انا رايي انه اذا الشب اتحركش في البنت بالحكي
احسنلها انها تسكت وتمشي
لانها لو جاوبتو بتنزل من قيمتها قدام الناس
وبصير الكل يتطلع عليها
وموقف محرج جداجدا

بس اذا تحركش فيها باشي ثاني انا بنصحها تحكي لاهلها
وعادي لو ولعت حرب يا ابو غوش اخريتها تيجي الشرطه وتحلها
ووقتها ما بتلاقي شب بستجري يتحركش ببنت


مشكور يا عجوري عالموضوع الحلو

هلا بالشباب
وشكرا لمروركم

دون تعليق

ومشكور عجوري

العفو خليل

هلا بيك

حبيب البي

والله انا بحكي انها تف بوجه .تحكيلو انت عند خوات قبل ما تفكر تتحرش ببنات الناس..

اكيد البنت بتسكت مش لانها راضية بس اكيد بسبب المجتمع الي احنا فيه اول كلمة بحكيلك ياها لو البنت ما اعطتو عين كان اجا فيها
معاكي همس حق بكل كلمة
بس في شغلة هلا اجا دورنا احنا كرمال نربي ولادنا صح وبناتنا
وفي شغلة اذا زادت الامور عن حدها لازم البنت تحكي لاهلها لو شو ما كانت النتيجة تحكيلهم من اول ولا يعرفو بالاخر
سيد ابو غوش مش كل بنت بتزبط حالها وبتطلع بكون بدها تسمع حكي شو ذنبها اذا الي قدامها ما بفهمو
برغوثي انا معك بكل كلمة بس المراة مش ضعيفة المجتمع الي خلاها تصير بهاي الصورة
شكرا على الموضوع