نقاش حاد بين الشباب والصبايا

له يا همس انا مو معصبة بس بعطي حلول مش اكتر ولا اقل
وانشاء الله بتلاقي الي يسعدك
وما يدخن ابدا اطلاقا بتاتا

يا جماعة مالكم مركزين على قصة الدخان

اول شي اذا كان الواحد بدخن ومدامته عندها حساسيه غصبا عنه بدو يبطل او انه يدخن بعيد عنها

وتاني شي ترك الدخان كتير سهل لأنه عند الاغلب شغلة تعويد مش ادمان

وبالنسبة لسؤال ابو غوش فأنا رح اجاوبك عن البنات لأني عارف شو رح يجاوبو

الدخان مش مقياس للزواج ومش معقول لما وحده يتقدملها عريس ترفضه لمجرد انه بدخن

يعني في اشياء اهم بكتير من الدخان هي الي بتخليهم يوافقو او يرفضو

ولا شو رأيكم يا صبايا؟؟ كلامي صح؟؟

والله يا مجدي كلامك صح
وصح كتير كمان
يعني الدخان مو كل اشي في اشياء تانية كتييييييييييييييييييييير اهم

مزبوط

المشكلة يا همس مش انها تدخن ولا ما تدخن، المشكلة انه معظم البنات (مش كلهم عشان فطوم ما تزعل) خاينات وأنا ما بقصد في الحياة الزوجية بس حتى في الحياة الجامعية، اذا اعتبرتها صديقة أو أخت وتساعدها وتدعمها - بدون مقابل - وبالآخر تردلك المعروف بالغدر وتطعنك بالظهر، وبأكد أنا ما قصدت كل البنات، بس أنا بدي أوجه نظركم لظاهرة الغدر، وعندي سؤالين:

برأبكم:

- هل غدر النساء بالرجال أكثر من غدر الرجال بالنساء؟
- وهل غدر النساء بالنساء أكثر من غدر الرجال بالرجال ولا العكس صحيح؟

وبالنسبة لسؤالك همس: أنا ما بدخن، وما راح أخذ وحده بتدخن مش عشان دخان بيد المرأة غلط، بس شو الفايدة أكون ما بدخن وأتزوج وحده بتدخن، فكأني بالنتيجة بدخن !!!

لية كلكم مفكرين اني بزعل بسهولة ولا بسرعة او من اي شي
لا تخافو عقلي اكبر من هيك وانا اخر وحدة بزعل او بعصب

وبالنسبة للخيانة يا محمود فالخيانة بتكون من الطرفين وما بيكون في طرف اكتر من طرف لانو وزي ما قالت همس كل اشي بيرجع للبيئة وللترباية وللاخلاق

وهلا السؤال للشباب ليش بتتبعو الموضة الطالعة وحتى اذا ما كانت حلوة وبتقولو مهو هيك البنات بيعجبهم؟؟

له يا فطوم الله يسامحك مش هيك قصدي، بس القصد انه الناس أشكال وألوان وأنا بحترم كل أنواع الناس وأفكارهم، بس كنت بحسك حساسة شوي عشان هيك ما بدي اياك تزعلي وعلى فكرة كونك حساسة مش عيب بالعكس هذا بعبر عن الرقة والمشاعر الإنسانية الراقية، كل واحد عنده أشياء بتميزه بشخصيته ولازم كلنا نحترمها.

وبالنسبة لرأيكم (همس وفطوم) بظن انه صحيح وشكرا لكم

وبالنسبة لسؤالك فطوم، أنا ما بقلد أي شي وما بلبس إلا اشي مقتنع فيه، وبصراحة بعتقد انه الشباب يلي بقلدو الغرب (تقليد أعمى) بعانوا من فراغ في حياتهم، وبدهم يجذبوا نظر الناس إلهم مش بتميزهم وإنما بطريقة لبسهم الغريبة، هذا رأيي، وبعتقد انه الشباب واعين لحد ما وأغلبيتهم ما بقلدو تقليد أعمى.

والله يا فطوم سؤالك بمحله بس متل ما حكى مودي مو كل الشباب هيك

والي بعمل هيك بكون عنده شي معين دفعه لهاد الشي متل موضة-لفت نظر البنات-غيرة-معقد نفسيا

ممكن اكتر من سبب بس على كل الاحوال انا ما بقتنع الا بالموضة المعدتلة الي بتحافظ على هيبة الشب

سؤال للبنات:

ممكن سؤالي يكون جريء شوي بس بصراحة مهم نسمع رأيكم ونتناقش بهاد الشي لأنه الموضوع اساسا اسمه نقاش حاد:

ليش اغلبكم بتلبس حجاب على بلوزة "بدي" وبنطلون ضيق؟؟؟؟

والله يا مجدي هيك هية على الاقل مغطية على شعرها احسن من غيرها
مع انو مو صح كتير بس اشي اهون من اشي

ومع هيك مو الكل
انا ايام الجاهلية قبل ما البس الجلباب(مع اني مش ملتزمة فيه كتير حاليا)
ما كنت البس هيك يعني لما كنت بدي البس بدي قصير يكون بنطلوني واسع
واذا كان البنطلون ضيق البس علية اشي طويل

فيعني كل شخص عندو عقلو وواعي لانو ما بتصور بنت بالجامعة عمرها اقل من 18
فهية بتقدر تفكر وتحكم على الاشياء صح او غلط
الله يهدي الجميع ويهدي كل البنات للبس الصح والشرعي

بترك مجال لغيري يتحفنا

كلامك همس 100%

فطوم صح انه كل وحدة عمرها اكبر من 18 وهاي هي المصيبة انها المفروض واعية ومع هيك بتلبس ضيق وحجاب..!!

صحيح انه كل وحده حرة بحالها بس الدين والاسلام في اله قواعد اساسية لازم الالتزام فيها متل الحجاب..

يعني الي بتلبس الحجاب المفروض تلبسه للعبادة وخوف من ربنا مش تلبسه خوف من اهلها..

وحابب اعرف من وجهة نظرك شو الهدف من هاي الطريقة من اللبس؟؟!!

وصدقيني احنا الشباب صحيح بنعلق على البنات كتير بس عن جد لما انشوف وحده مجلببة او لبسها محترم ولابق على الحجاب

ما بنقدر نحكي عنها نص كلمة لأنها بوجهة نظرنا محترمة..

ومو قصدي انه الي بلبسن الضيق والبدي مو محترمات.. بالعكس في منهم محترمات جدا بس عيبهم لبسهم

مع احترامي للجميع وبدون زعل..

طبعا يا مجدي للعبادة لازم يكون الواحد لابس لانو يعني لابس ولابس
خليها تكون للعبادة اقل ما فيها بتكسب اجر
لانو اصلا لما تلبسو غصب عنها اصلا ما بتصدق تلاقي اقل فرصة لتشلح هالعباية الي هية اساسا
لبستها غصب عنها
ويا همس انا بعرف انو كاسيت عاريات
بس احسن من غيرها الي مو لابسة من مرة
مو

شوف يا محمد
الزواج التقليدي هوة الزواج الي بتنطبق عية قول انو الحب بيجي بعد الزواج
فيعني اذا تم الزواج التقليدي وقدرو هالزوجين انهم يفهمو بعض ويحبو بعض
فراح يكون اشي اكيد زواج ناجح ويضمن مستقبلها ويخليها مبسوطة للصبية
اما اذا ما قدرو يفهمو بعضهم او انهم يحبو بعض
فالله اعلم شو رح يصير

اوكي وصلت المعلومة