حكايات سنفور - الأسبوع 2

زائر

حكايات سنفور من وحل الواقع
الأسبوع (2): انت زي أخوي

"بعدين شو صار معك؟"
"استنوا شوي، صح انت الجني يلي وسوس بعقل صاحبي وخلاه يغدر فيي؟"
"مزبوط"
"انت جني وقح، شو جاي تسوي هون؟"
"صحيح أنا وسوست بعقله وخليته يغدر فيك، وانتوا البشر دايما بتحملونا نحن الجن مسؤولية أخطائكم!"
"ما انتوا سبب كل مشاكلنا"
"مزبوط، نحنا يلي اخترعنا الأسلحة الفتاكة، نحنا الإرهابيين، نحنا اخترعنا التنانير القصيرة، والمكياج وعملنا الكابريه والكازينو، نحنا الطماعين يلي بنركض ورا المصاري، صح؟"
"في هاي معك حق"
"هسا سيبك من الجني واحكيلنا، قصة من قصصك في الجامعة!"
"أوك، في يوم من الأيام ..."
كان في بنت أمورة، طلبت مني خدمة (انسانية)، وأنا ما كذبت خبر وساعدتها، فحكتلي: "ياي انت شو أمور وشهم، أصلاً بكره لما أخلص جامعة ما برضى أتزوج إلا واحد شهم مثلك، وأخلاقه عالية".
وفي اليوم الثاني ...

"مرحبة، كيفك؟"
"اخص يا مان شو طنشتك!"
"ولك فشرت بس هي ما شافتني"
"هههههه، ليش انت كاسبر!!!"
بعدين رحت حكيت معها ...
"عرفتيني، أنا يلي ساعدتك امبارح، يا ريت لو أتعرف على اسمك؟"
"اسمع، انت لطيف وممتاز، بس انت زي أخوي !!!!!"
- "وهيك انتهت قصتك معها؟"
- "بظن"
- "بس عندي سؤال صغير"
- "تفضل"
- "شو الخدمة يلي قدمتلها اياها وساعدتها فيها؟"
- "احم، احم، ....، خدمة ... انسانـ ... ـية!!!"

حكايات سنفور حكاية كل طالب جامعي
*** ترقبوا حكايات سنفور الأسبوع القادم مع قصة سنفورية جديدة ***

موفق اخي محمود

قصص جميلة وإلى الأمام

ننتظر منك البقية

ما اكترها هالخدمات وما اكتر هالردود بعدهااا..

الله يعينكم والله