ظاهرة الكلاب..!!

السلام عليكم

كيفكم يا جماعة؟؟

اليوم حاب نتناقش بموضوع سمعته بصراحة من شيخ الجامع في صلاة الجمعة

ولفت نظري كثير الموضوع

موضوع الخطبة كان عن الكلاب وظاهرة اقتنائها

الكل ملاحظ انه في ظاهرة جديدة وهي ظاهرة الكلاب واقتنائها

وطبعا نقاشنا مش عن الكلاب المقتناة للضرورة

نقاشنا عن الكلاب الي بشتروها ناس كنوع من الترقي..هل من المعقول انه في اكل مخصص للكلاب ومن افخم

انواع الطعام يباع بالاسواق!!

وطبعا الكلاب المدللة بنزلوها المغرب مشان اتشم هوا نقي خوفا على رئته من التلوث

وطبعا الكل بعرف انه ثمن الكلب مش قليل

وفي قصة عن امرأة في عمان عملت حفلة لكلبها المدلل عزمت عليه صاحباتها وكلابهم

وبلغت الحفلة 30 الف دينار!!!

طيب مش الاطفال الايتام والمحتاجين احق بهاي المصاري من الكلاب!!!

ومن المعروف انه امعاء الكلاب تحتوي على الكثير من الجراثيم ومن الديدان الشريطية

والكلب طول اليوم بلحس جلده فهاي الجراثيم تنتقل بسهولة للانسان

وفي حديث صحيح عن الرسول صلى الله عليه وسلم انه وعاء الكلب حتى يتم تنظيفه لازم ننظفه بالتراب اول مرة وبعدين بالماء 6 مرات

شو رأيكم بهاي الظاهرة؟؟!!

طبعا ظاهرة سلبية ولا خلاف فيها

فاقتناء الكلب سبب لظهور العديد من الامراض

وهذا وقد نبه الاسلام الى النجاسة الناتجة عن لعاب الكلب

وتقبل مروري

حبيب البي مجدي

والعفو منك حبيبي

صدق يا ابو شريك اللي بيعتبر الكلب نوع من " الترقي" على حد تعبيرك ، كثير ع وجهه نحكي عنه بنفسه " كلب " ...

لانه هيك معنى كلامه انه الكلب احسن منه و هو بده يترقى ليصير " كلب " .. ف وصفه بالكلب ظلم للكلب ...


ما علينا .... خلاصة الحديث هالظاهرة ظاهرة أكيد سلبية ، و حتى النظر للموضوع

من ناحية انسانية بيبين انه انقاق مثل هيك أموال ع " الكلاب " او حتى " القطط " بيكفي

لنقول عن هدول انهم بيعانوا من مشاكل عصبية مزمنة ....


و اذا جبناها من ناحية " الأقربون اولى بالمعروف ... يمكن همه بيشوفوا الكلاب و القطط اقرب الهم من باقي البشر ...

و اذا كانوا هيك انا بعذرهم من جهتي ...



تحياتي أبو شريك ....

شكرا للموضوع الحلو ...

على فكرة هية ظاهرة كتير منتشرة عنا
وهي اصلا محرمة في شرعنا الاسلامي يعني المكان الي بيمشي علية الكلب في البيت لا تجوز الصلاة علية لمدة 40 يوم
والوعاء الي بيستعملو انا بعرف انو ينظف بالتراب 7 مرات وبعدين بالماء 7 مرات
وهادي المراة بس عملتلو حفلة انا سمعت عن شخص في امريكا اوصى بكامل ثروتة لكلب
ومش بس هيك اعطى شخص فيلا مقابل انو يعتني بالكلب بعد ما هوة يموت


بالنهاية مشكور مجدي

شكرا صالح وفطوم ومحمود على مشاركتكم

والله يهدي الجميع

مو تخلف
ابداا
الي هيك بيشوفوه قمة الرقي والتطور والحضاره
لانه ببساطه
تقليد اعمى للغرب
الغرب بيخلوا عندهم كلاب وبسس عشان يتسلوا معهم لانه كل واحد بيروح من شغله على بيته حزين وما عنده حدا
اما عنا الحمد لله ما حدا بيكون لحاله
وبالاسلام كانه مكره
بس لو كان لغرض الصيد والحراسه..

فحرام ليش تلوموا الناس الجاهله الي بس بتقلد؟!..

معك حق يا همس في كل الي قلتيه

وياريت بنقلد الاشياء المنيحة وما نختار بس الاشياء السيئة مشان نقلدها

ولو انه عاداتنا وتقاليدنا ودينا ما تركت مجال مشان نقلد الغرب يعني الي بلتزم بهاي الاشياء مافي داعي يقلد لأنه

زي ما هم ملتزمين بعاداتهم وتقاليدهم ودينهم احنا كمان لازم نكون زيهم ملتزمين بعاداتنا وتقاليدنا ودينا

شكرا لمرورك همس