حكايات سنفور - الحلقة الأولى

زائر

حكايات سنفور من وحل الواقع

الأسبوع (1) – طنش عش تنتعش

كتبها: محمود التكريتي

هام: الشخصيات والأسماء والأحداث الواردة في القصة خيالية وان تشابهت بعض الشخصيات والأسماء والأحداث مع بعض الشخصيات والأسماء والأحداث الواقعية فهو من باب الصدفة فقط.

المقدمة: شخصية طيبة تعيش في مدينة سنفر الواقعة في بلاد الواق واق، بدأت المشاكل عندما دخل جامعة السنافر ليستكمل دراساته العليا، هل تريدون معرفة المشاكل التي تعرض لها؟ وكيف حلها؟ وما الأمور التي يكتشفها؟ لطالما ظن أن العالم جميل ووردي اللون، فهل كان مخطئاً؟ إكتشفوا ذلك بأنفسكم ... !!!

أنا ... على كل حال عمري 19 سنة، اليوم يومي الجامعي الأول، عشان هيك اطلعت من البيت بكير، ووصلت مجمع بردان، كان الناس فوق بعضيهم، في شب قدامي ملصق بالبنت يلي قدامه، وفجأة ...

"خلص بلاش قلة حيا"
"إيش يا سكر، إيش يا لوز، الحلو ليش زعلان؟"

مش ظايل يحكيلها إلا "إيش يا بيكن باودر، ما خلا نوع فواكه أو حلو يعتب عليه !!!"، العجيب ما في حدا تحرك وبهدله وكأنهم مش سامعين !!!

"أبو الشباب، مالك على البنت؟ ليش بتضايقها؟"
"وإنت شو حشرك في الموضوع؟ بدك أعلم وجهك؟ أه أه إحكي"
"تعال يا بني لهون، سيبك منه، شو إنت مستغني عن عمرك؟"
"بس مش شايف ..."
"يا بني طنش عش تنتعش"

رديت على نصيحة العجوز، وطنشت، خلال ربع ساعة ركبت الباص، وفكرت إني أخيراً راح أرتاح وأبلش بعام جامعي حلو، بس ...

"وصرح مسؤول رسمي أن الأوضاع في الأراضي الكنعانية المحتلة في تدهور، وأن الشعب الكنعاني بحاجة إلى مساعدات مادية وغذائية ودوائية عاجلة ..."
"وصرح مسؤول في الأمم المتفقة أن التحقيق ما زال جارياً في أحداث الحادي عشر من شهر الفول ... ولكن التحقيق الأولي كشف بأن هذه التفجيرات الإرهابية قام بتنفيذها أفراد من الشعب المخروس، من جهة أخرى صرح مسؤول كبير في جامعة الدول المخروسة بأن الدول المخروسة لن تخرس هذه المرة ازاء هذه الاتهامات الباطلة، كما أدان واستنكر و ... و ... و ... التفجيرات الإرهابية التي حدثت، وأكد أن السلام هو الحل الوحيد"
"دخيلك سكر الراديو ناقصنا وجع راس، يا ريت تحطلنا أغنية واوا بح !!!"

صار راسي يوجعني من الراديو والناس وواو بح! مع إني وصلت للجامعة بعشر دقايق بس حسيتها دهر.

"استنى ... استنى ... وين داخل بدون احم ولا دستور"
"احم ... دستور ... هسا أدخل !!"
"حضرتك بتخفف دم، أه؟"
"لأ ... العفو، بس بدي أدخل، هذا يومي الأول في الجامعة"
"نعم يا حبيبي ... اليوم السبت!!!"

حكايات سنفور حكاية كل طالب جامعي

*** يتبع في الأسبوع القادم ... مع قصة سنفورية جديدة ***

روعة اخ محمود ... بجد حلوة المقالة و القصة و بتخيل اغلبية السنافر حالهم هالحال ,,, شكراً الك و بانتظار القصص الشيقة القادمة ... و بنتمنى من كل سنفور انه ما يزعل منا بس احنا ضفنا هذا الموضوع من باب الضحك و الدعابة و شكراً .

زائر

ههههههه جد جد حلوة القصة يا محمود

الله يعطيك العافية..

بس كتير بالاسبوع بس حلقه.... خليهم حلقتين...

بعدين هلأ بالعربي لما ندخل بموضوع المقالات والتعبير رح تغطي علينا. affraid

..

شو ناقصنا علامات واطيه بالعربي....؟؟؟

هههههههه...... لا لا لا نجاحك من نجاحنا وسبق وحكيتلك ياها....

اعمللنا الحلقات كل يوم احد وخميس.....

bounce

حلقتين كل اسبوع.... طيب؟؟؟

زائر

شكرا سيف و First-Dawn على ردكم الجميل وانتوا كمان مواضيهكم حلوة ومشوقة

حكايات سنفور - الحلقة الأولى Harry2-st

ههههههههههههههههههههههه

والله الحكي في منه

مشكور اخ محمود

رهيبببببه كتير روعه

يعطيك الف عافيه

واسلوبك ما شاء الله

كمل كتابات وقوي حالك بهدا المجال

يسلموا ايديك

زائر

شكرا لك لأنك تابعتي القصتين وأنا تأخرت وما نزلت القصة الثالثة من زمان بس بوعدكم انه القصة الثالثة راح تنزل يوم الاحد الجاي باذن الله

بنستنى اذن..

حتى خواتي قرأوهم..

سنفرو بحياتكم يا سنافر... محمود وصل...

[:center]lol: Laughing

ههههههاااااااااااااااااااااي طاع اليوم السبت Laughing

[/center]

زائر

بعتذر عن التأخير في كتابة القصة الجديدة وذلك لإنشغالي في بعض الأمور الخاصة، بعتذر منكم بشدة وبحاول خلال هذا الأسبوع أنزل القصة الثالثة والقصص الأخرى بعد ذلك بانتظام ان شاء الله.