ســـــؤال قرأته اثر فيَي .. بدي رايكم بالموضوع ممكن ؟

مساء الخير عليكم كلكم كلكم اعضاء منتدى طلاب كلية عمَان

الصراحه موضووع قرأته واثر فيَي .. وحبيت اني اخذ رايكم فيه ..

هل تـبـكي عند مــوت من جـرحك يوما ما "!!

كان هنا معك يوما ما .. بادلته المشاعر ربما اعتبرته صديق !!
صديقه.. خطيب .. او حتى أخ !!
أمنته أسرارك .. شكوت له حزنك

وفجأة .. وبلا مقدمات
يطعنك في ظهرك في لحظة عناقــ
فيرحل

إلى أين ؟؟
ليكمل طعنته .. ينثر أشواك جريمته على الآخرين
ليغرز بقلوبهم حقد تجاهك .. يشوه سمعتك عند من يحبوك
يبعد عنك أحبابك ،، يبث رائحة أسرارك في كل مكان

ثم يختفي من حياتك
تاركا ورائه جرح عميـــــق ينزف !! ودرس لن يمحى من الذاكرة
ولربما زرع في قلبك .. دعوة لرد الجرح بجرح آخر أو الانتقام !!
أقسمت أنك لن تسامحه أبدا ولن تنسى !!

تمر السنيــن..
لا لن يرجع ذلك الشخص
بل ياتيك أحدهم بخبر مـــــوتــه"

كيف ستكون ردة فعلك ؟؟؟

وهـــــل
- هذا الخبر ينسيك الماضي؟ << كيف وحاضرك هدمه ماضيك!!

- تتأثر لموته ولكن لا تبكي؟

- تغرق الديار دموعا على فرقاه؟؟ << هل هذا يعني أنك عدت لسذاجتك التي لقبت بها بعد طعنه لك !!

- تسامحه وتعفو عنه .. ( كيف وانت فقدت بسببه الكثير ) !!

أم تقول
مـــــــــات الشر !!

هي دعوة للمصارحة فلنفرض اننا عشنا مثل هذه اللحظة ونجيب !!

و انا من جهتي حابب اكون اول واحد بشارك برأيي

انا من رأيي اني رح اسامحه و ادعوله بالرحمة

لانه و بكل بساطة رب العالمين بيغفر للناس ,,, احنا البشر الضعفاء ما بدنا نغفر؟؟

ثانياً انه اذا كان شخص عزيز جداً علي ... ان كان صديق او حبيب او او ... الخ

فأكيد كان ولو لمرة وحدة انسان مؤثر فيي و بشخصيتي للأفضل

فبالنهاية انا من رأيي اني رح اتذكر ايجابياته و اترحم عليه و ادعيله

انا متأكده انه رح اكون نسيت الي عمله في
ورح ازعل عليه واترحم عليه
وادعلي انه الله يغفرله..

لانه مهما كان كان غالي علي بيوم..

اقتباس :

هذا الخبر ينسيك الماضي؟

مستحيل .... مش انا اللي بينسى .....

اقتباس :

- تغرق الديار دموعا على فرقاه؟؟

والله ما بعرف يا سيف .... يمكن ... ادمع ... و مش عليه ...
ع العشرة اللي رح تكون انتهت خطأ

اقتباس :

هل هذا يعني أنك عدت لسذاجتك التي لقبت بها بعد طعنه لك !!

ما بيهمني شو بيعني ...... بيهمني أريّح نفسيتي ...

اقتباس :

تسامحه وتعفو عنه ..؟؟

اه بسامحه .......شو بدي منه بعد ما مات ؟
بعدين اللي راح من عمري... راح ...راح... واحنا ملينا الرجوع

اقتباس :

( كيف وانت فقدت بسببه الكثير ) !!

الدنيا كلها زايله ..... و انا معها .... ف ما فيها اشي بيستاهل ...

عشان هيك ما فيها ( كثير )

بس مع هيك .... ما بنسى انه في يوم آذاني .....

و بنفس اللحظة .... ما بنسى انه في يوم من الأيام كان في بينا عِشرة ...
----------------------------------------------------
يعطيك العافية حبيبي ... موضوع حلووووووو ... وبيستاهل الإجابة ....

انا راح ازعل عليه وادعي الو لأنو مهما كان بضل انسان وكلنا معرضي للخطأ

وسبحان الله في حالات زي هيك ما بنتذكر غير المواقف والامور الحلوة عنو

شكرا يا سيف على الموضوع

انا يمكن في هاي اللحظة ما اذكر اي شي عملو الا الاشياء المنيحة
وطبعا راح ابكي لانوا عزيز علي والي بحب ما بكره مهما كان عاملوا
وبحزن عليه كتير ....وبقول الله يرحموا ويرحمنا

موضوع طقع سيف

بصراحه مش عارف شو اجاوب بس

رح اسامحه اكيد غير اني ادعيله بس هاد ما

بعني اني انسى انو بيوم من الايام خاني

وبالنهايه الله بسامح عبيده مهما عمل من اخطاء وذنوب فما بالك

احنا البشر ؟؟؟

اخي سيف شكرا كتير لــ إلك

اقتباس :: ثم يختفي من حياتك
تاركا ورائه جرح عميـــــق ينزف !! ودرس لن يمحى من الذاكرة
ولربما زرع في قلبك .. دعوة لرد الجرح بجرح آخر أو الانتقام !!
أقسمت أنك لن تسامحه أبدا ولن تنسى !!

تمر السنيــن..
لا لن يرجع ذلك الشخص
بل ياتيك أحدهم بخبر مـــــوتــه"

انا لا انسى اي شئ
ولكن في هذه اللحظة قد فات الاوان
ولا يجوز على الميت الا الرحمة
فادعو له بالرحمة من كل اعماق قلبي

طبعا بسامحه مع انو اخدكتير مني بس الموت بنهي كل اشي وبدعيله ربنا يغفرله ويسامحه واكيد بسامحه
واكيد ما بتمنى الموت لاي حد لو كان عدوي

بالفعل اخت زيرو

انا معك في هدا الراي

شكراً اخواني على ردودكم الجميلة

اللي نورت الصفحة

تقبلوا احترامي

أنا راح أقول الله يرحموا

وراح اتذكر الأشياء الحلوة

بحكي الله يرحموا