[/td][/tr][/table][/center] تاريخ التسجيل : 30/10/2007
موضوع: الحق ع مين ؟ الخميس فبراير 07, 2008 6:39 am
كيفكم يا جماعه .... إن شاء الله كويسين ؟؟؟
المهم و بدون مقدمات طويلة و ما الها طعمة ..
انا حبيت اطرح فكرة ، تعقيبا ً على موضوع أبو شريك مجدي ... و اللي بعنوان " علامات الفصل ! "
لاحظت .... ولا زلت الاحظ .... انه احنا كلنا ...... و انا منكم يعني ...
رجعنا اسباب تدني العلامات هالفصل إلى سوء و تدني كفاءة أفراد طاقم الهيئة التدريسية عندنا في الكلية ...
و انهم هم السبب ... بشكل أو بآخر ...
و كذلك ... نسبة مش قليلة منا ... دخلت العميد بالموضوع ... و انه تصرفات عديدة أجت من طرفه و تحدثنا عنها كأنها سبب مباشر في تدني العلامات على مستوى الكلية ...
من ناحية أخرى .... انا ما لمست تدني كبير في العلامات ... و هالشي من خلال الطلاب المحيطين فيي انا شخصيا ُ ... ما بعرف عنكم .... بس انا هاد اللي شفته ... مع انه علاماتي انا متوسطة هالفصل ....
و منيح اللي اجوا هيك ع الوضع اللي انا كنت فيه الفصل الماضي و لا زلت فيه ...
ما علينا ...
اللي حاب اطرحه .. لأشوف رايكم فيه ... هو كالتالي ... --------------- 1- لم نلقي اللوم دائما على الطاقم التدريسي في تدني العلامات ؟ أليس هناك أي دور للطالب في المحافظة على مستويات تحصيله العلمي ؟؟؟ ...
ألا نقصر نحن كطلاب في أداء مهامنا الأكاديمية ؟؟
ولم لا نتخذ إجارءات إحتياطية في حالة جاء النصيب مع مدرس نعتبره نحن فاشل ؟ ( و ذلك من خلال بذل المزيد من الجهد في مواجهة ذلك الوضع ) .
2- هل حياتنا كطلاب في كلية عمان الجامعية ، او حتى في الجامعات الأردنية ككل ، تعتبر حياة جامعية ؟ ( لا أقصد بالحياة الجامعية ما يقصده الجميع من ابنية حديثة و حدائق و مرافق بنت كلب ! ...لا ..القصد هو حياتنا نحن كطلاب جامعيين ، كم نخصص منها للبحث خارج إطار مواد الفصل الحالي و التعرف على جوانب جديدة و أفكار جديدة في تخصصاتنا ... مع عدم اهمال ان الامكانيات لا تسمح بذلك ... سواءا امكانيات المؤسسات الأكاديمية التي نتبع لها ، أو امكانياتنا كأفراد ، لكن السؤال هو : إن توفرت هذه الإمكانيات المطلوبة ، هل سنستغلها و نتصرف كطلاب حقيقين ؟؟؟ و بالحد الأدنى على الأقل ...)
3- هل ثؤثر السياسات الإدارية في كليتنا في التحصيل العلمي للطلاب الى هذه الدرجة ؟؟؟ و هل السياسات الجديدة من النوع المؤثر أصلا أم لا ؟؟؟ <<< من ناحيتي لا أعتقد ذلك .....
4- بما انه هذا هو الوضع ، و هو ان الهيئة التدريسية فاشلة حسب ما نرى نحن الطلاب ، هل سنستمر بإلقاء اللوم عليها حتى نتخرج بتقدير متخلف ؟؟؟
ام سنحاول قدر الإمكان ، ولا حول ولا قوة إلا بالله العلي العظيم إن فشلنا ، و الحمد له وحده لا شريك له له الملك وله الحمد وهو على كل شيء عظيم
سواءا فشلنا او نجحنا ....؟؟ ----------------------------------------
انا ما بدافع لا عن مدرسين ولا عن ادارة في الكلية ....... بالعكس تماما.... انا من اشد الحاقدين على التصرفات >> مش الأشخاص ....لانه في كتير منهم فش أزكى منهم ....
عدد الرسائل : 2099 العمر : 37 التخصص : A.I.S المـــــزاج : النـشــــاط :
الفــــريـق : لا يوجد الأوســــمة :
تاريخ التسجيل : 10/10/2007
موضوع: رد: الحق ع مين ؟ الخميس فبراير 07, 2008 2:49 pm
اسهل شي انه تحط الحق على غيرك.. انا في علامات مبسوطه منها وفي علامات لا بس مو الحق علي انه ما كنت ادرس(متل علامة علم الاجتماع) يعني التفريق كان عيني عينك..
في اشياء بلوم حالي عليها وفي اشياء بلوم الدكاتره واكيد الواسطه الها دور غير عنا بكل شي..
بس برضه هدا ما بيعني اني ما بلوم جزء من الدكاتره والعيمد الي ما خلى شي كويس
انه احنا ندور ونشوف معلومات من حالناا ما اتوقع انه في كتير طلاب هيك اولا شوف المكتبه عناا تقريبا ما فيها شي مهم لتخصصاتنا وما في مختبر انترنت يستفيدوا منه الطلاب الي ما عندهم ببيوتهم.. شو في عنا شي يساعدنا؟ حتى لما يطلب الدكتور بحث ما بيقراه فكل واحد بيروح بيشتري بحث وبيسلمه وخلص!!
سياسات اداريه..امممممممم احنا كلية اداره وما في عنا اي نوع اداره صح!! الاداره الي عنا الواسطه وبس!! يعني حتى الي بندرسه ما بنطبقه ولا في حدا بطبقه عناا..
انا ما بعرف لحد ما اتخرج شو رح يصير يمكن يتغير الوضع الله اعلم بس الكل حكالي انه الي بندرسه ما اله علاقه بالشغل بالحياه الواقعيه.. بس انا مني وعلي رح اعمل الي علي والي بقدر عليه واذا حسيت حالي بدي شي كمان باخد دورات وبقوي حالي بحالي..
™®_-_ahmad ajouri _-_™® مشرف عام
عدد الرسائل : 7167 العمر : 35 التخصص : A.I.S المـــــزاج : النـشــــاط :
الفــــريـق :
الأوســــمة :
تاريخ التسجيل : 21/10/2007
موضوع: رد: الحق ع مين ؟ الخميس فبراير 07, 2008 10:16 pm
انا معك يا صالح بس برضه في جزء من الحق عليهم وعلى الكلية وبرضو عالظروف يللي حطتنا فيها الكلية مثل المواعيد مثلا انا قدمت امتحانين نفس اليوم بس شوووو خبصت عالاخر لأني ما قدرت اركز بمادة معينه
مجدي الأحمد مشرف أقسام الطرب و الفن
عدد الرسائل : 4585 العمر : 37 التخصص : محاسبة المـــــزاج : النـشــــاط :
حالة الدردشة : الفــــريـق :
الأوســــمة :
تاريخ التسجيل : 06/09/2007
موضوع: رد: الحق ع مين ؟ الجمعة فبراير 08, 2008 1:04 am
هلا صالح موضوعك كتير مميز كالعادة وانا بدي اجاوبك بصراحة .. وكل سؤال وكل نقطة لحالها:
1- يا استاذ صالح احنا صحيح بنحط الحق على الكادر التدريسي بس مو كلهم وخلينا شوي صريحين.. كم واحد في الجامعة من
حملة الدكتوراه!! وللأسف انهم عدد قليل جدا وما الهم دخل بالتخصص كلو وما بدي احكي اسماء لأنهم المفروض معروفين للكل..
واكيد انو في مرات احنا بنقصر بالدراسة بس قلي شو هالجامعة هاي الي في كل فصل الدكتور باخد مادة شكل وتختلف نهائيا عن
الي درسها بالفصل الماضي.. مهو مش معقول يكون بروفيسور وفاهم في كل المحاسبة "مثلا" وانا بصراحة انظلمت كثير هاد
الفصل وللعلم فقط انا كان معدلي التراكمي الفصل الماضي 3.64 !! اتخيل ضايلي 0.1 وبوصل امتياز.. بس للأسف في مادة
انظلمت فيها وانت عندك خبر فيها وفي كمان مادتين ما بدي احلف.. بس صدقني اني بستاهل فيهم A وبدون مبالغة بس للأسف
الدكتور صار بيني وبينو موقف ونزلي المادتين C+ وبسببو صار معدلي التراكمي 3.54 وراح علي الامتياز لأنو انا ضايلي بس
30 ساعة وماخد منهم 21 الفصل هاد.. هاد مو تقصير من الكادر التدريسي؟؟ ولا انا السبب؟؟!! وما ننسى نقطة مهمة كتير
اشارت الها الاخت همس وهي الواسطة وهي فعلا موجودة وكتييييييييييييير..
2- هاي النقطة بصراحة احنا مقصرين فيها كثير.. يعني الواحد فينا ما عندو استعداد للاطلاع على مواضيع خارجية حتى لو توفرت الوسائل المناسبة .. يعني انا بدرس كتب الجامعة وبحمل حالي جميلة..
3- هاي النقطة بتحير.. يعني مرات بكون الها تأثير ومرات لأ.. لانو مرات زي ما حكى الأخ احمد على النظام الجديد للامتحانات المفروض انهم يحطو جدول ما تتعارض فيو المواد.. يعني معقول امتحانات مواد التخصص باسبوع واحد..
4- بصراحة انا راح اضل اطلع عليها انها فاشلة بس مو كلهم طبعا.. في منهم دكاترة وأساتذة توب و10 على 10 انا بدي اتخرج واخلص وما بهمني افهم منهم لأنو على مستوى تخصص المحاسبة كل الي بندرسوا ما الو بالواقع نهائيا وراح تشوف انو التطبيق بالواقع سهل كتير وما بستاهل تدرس 4 سنوات علشانه..
اعذروني يا جماعة انا طولت عليكم بس بصراحة انا مقهور كثير من الجامعة ولقيتها فرصة لأعبر عن رأي..
وشكرا الكم
~žô§ž(AbuKishik .
عدد الرسائل : 9041 العمر : 37 التخصص : A.I.S المـــــزاج : هوايــــتي : النـشــــاط :
[/td][/tr][/table][/center] تاريخ التسجيل : 30/10/2007
موضوع: رد: الحق ع مين ؟ السبت فبراير 09, 2008 11:55 pm
همس الحب كتبت :
اقتباس :
اسهل شي انه تحط الحق على غيرك.. انا في علامات مبسوطه منها وفي علامات لا بس مو الحق علي انه ما كنت ادرس(متل علامة علم الاجتماع) يعني التفريق كان عيني عينك.. -----------------------------------------
كلام صحيح 100% ... أسهل اشي تحط الحق ع غيرك ... و إذا حدا عانى من التفريق.... مش مثلي !!! ....
خاصة لما يحكيلك الدكتور انه المادة نازله الك (أ) .... و تتفاجأي انها نزلت (جـ+)
بس برضه .. في هيك و في هيك ... في ناس بيعطوكي حقك كامل ...و أكثر مرات .... *****************************************
اقتباس :
في اشياء بلوم حالي عليها وفي اشياء بلوم الدكاتره واكيد الواسطه الها دور غير عنا بكل شي..
بس برضه هدا ما بيعني اني ما بلوم جزء من الدكاتره والعيمد الي ما خلى شي كويس -----------------------------------------
صحيح .... عليهم لوم ... و مقصرين كتيييييييييييييييرررررر ....
بس برضه كتير منا ( الطلاب ) .... ما بيستاهل الـ ( ف ) ....
و خلينا نوخذ الكلية بشكل عام ( يعني مجموع الهيئة التدريسية و الإدارية ... في مقابل مجموع الطلاب ) ....
.... لانه لما نحكي مش عدل نحكي من وجهة نظر او من حالة فردية مقابل كامل الطاقم التدريسي و الإداري في الكلية ...
ف انت مثل ما حكيتي ست همس ... تعبتي ...و درستي ... بس ما اخذتي حقك ... بس بتظلي تعبتي ....
اما لما نوخذ مجمل الشريحة الطلابية في الحسبان .... رح نشوف و بشكل ملحوظ انها ما تعبت ولا سخمت ! ....
و بالتالي .... التقصير من جهتنا ( ككل ) اكبر ...مع التأكيد على وجود التقصير من ناحية الطرف التاني ، و بشكل لا يستهان فيه ... *****************************************
اقتباس :
انه احنا ندور ونشوف معلومات من حالناا ما اتوقع انه في كتير طلاب هيك اولا شوف المكتبه عناا تقريبا ما فيها شي مهم لتخصصاتنا وما في مختبر انترنت يستفيدوا منه الطلاب الي ما عندهم ببيوتهم.. شو في عنا شي يساعدنا؟ حتى لما يطلب الدكتور بحث ما بيقراه فكل واحد بيروح بيشتري بحث وبيسلمه وخلص!! -----------------------------------------
صحيح 100% ... انا معك في كل كلمة .....
لكن السؤال اللي >> بيبطح نفسه << ... هل احنا رح ندور و نبحث لو فرضنا انه كل الإمكانات توفرت ؟؟ ... *****************************************
اقتباس :
سياسات اداريه..امممممممم احنا كلية اداره وما في عنا اي نوع اداره صح!! الاداره الي عنا الواسطه وبس!! يعني حتى الي بندرسه ما بنطبقه ولا في حدا بطبقه عناا.. ----------------------------------------
- هههههههههههه ....ما عندي اي كلمة ازيد ع كلامك ....كفيتي و وفيتي ! لخصتي الوضع بكلمتين ..!!! (:
لكن اللي قصدته في النقطة الثالثة اللي طرحتها .... معلش خليني أطرح مثال ...
خلينا نوخذ قرار تو حيد الامتحانات ... و اعطاء صلاحية تحديد موعد الإمتحان لجهة غير مدرس المساق المعني ... صحيح انه هالشي صعب من عدة نواحي ع الطالب ...مثلا ..في الامتحانات الموحدة ..رح يكون احتمال تصادف مواعيد أكثر من امتحان مع بعض كبير كتير ... و لما يصير هالشي رح يتغلب و مش عارف شوووو .. والخ الخ الخ ....
بس من ناحية تانية ... تحديد موعد الامتحانات بوضوح قبل قترة منيحة ... رح يتيح للطلاب وقت كافي للدراسة ...
بالمختصر ....انه السياسات و الاجراءات الاداريه بغض النظر تفاهتها و سطحيها دراسة جدواها و ضيق رؤيا اصحابها مش عذر النا .... اللي بيدرس بيدرس ...والدليل انه في طلاب بيتعبوا و بينجحوا و بيجيبوا علامات ممتازة .. مع انهم ما بيطيقوا فلان الفلاني ولا هو بيطيقهم ...و بتسري عليهم نفس الاجراءات اللي بتسري علينا ....
بلاش ...
شغلة بنطبقه و ما بنطبقه ... او همه بيطبقوه او لا ...اسمحيلي احكيلك انها موضوع تاني ...
لانه احنا في دراستنا ... مش جايين نطبق ... احنا بندرس عمليات نظرية بحتة ... لانه وين بدنا نطبق اصلا ... مهو الخريجين في السوق فش مجال يشتغلوا ... ف كيف احنا رح نطبق اللي بنتعلمه عملي او لا ....
و اذا حكيتيلي انه هالشي ( انه ما بنطبق ... الخ ) بعد التخرج و في الحياة العملية ... هالشي اشي طبيعي ... لانه النظري عبارة عن أساس تبني عليه الخبرة العملية المستقبلية ....
و دايما و وين ما رحنا ... حتى في العلوم التطبيقية البحتة ... في اشي اسمه (نظرية و التطبيق )... يعني اساس نظري لازم نعرفه ... بعدين تجارب و تطبيقات عملية ...
ف انا بعترض على فكرة " انه احنا بندرس ع الفاضي ، لانه التطبيق العملي بيختلف عن اللي بندرسه ... "...
*****************************************
اقتباس :
انا ما بعرف لحد ما اتخرج شو رح يصير يمكن يتغير الوضع الله اعلم بس الكل حكالي انه الي بندرسه ما اله علاقه بالشغل بالحياه الواقعيه.. بس انا مني وعلي رح اعمل الي علي والي بقدر عليه واذا حسيت حالي بدي شي كمان باخد دورات وبقوي حالي بحالي.. -----------------------------------------
مش غلط والله .... والدورات أهم من البكالوريوس نفسه بالنسبة النا احنا كاداريين او محاسبين او اقتصاديين ... لانها فيها بنعرف شو معنى كلمة " تخصص " تماما ....لانه البكالوريوس هاد كله أفكار عامة أساسا ... !!!! ....
أهلين فيك ست همس ...شرفتي ...
~žô§ž(AbuKishik .
عدد الرسائل : 9041 العمر : 37 التخصص : A.I.S المـــــزاج : هوايــــتي : النـشــــاط :
[/td][/tr][/table][/center] تاريخ التسجيل : 30/10/2007
موضوع: رد: الحق ع مين ؟ السبت فبراير 09, 2008 11:57 pm
أحمد العجوري كتب :
اقتباس :
انا معك يا صالح بس برضه في جزء من الحق عليهم وعلى الكلية وبرضو عالظروف يللي حطتنا فيها الكلية مثل المواعيد مثلا انا قدمت امتحانين نفس اليوم بس شوووو خبصت عالاخر لأني ما قدرت اركز بمادة معي
نه ************************************** اكيد أحمد ...هاد اللي انا حابب اوصله .... انه مش بس همه مقصرين ....
و احنا كمان ...
و انا صار معي هيك في الفصول الماضية .... و مثلي مثلك ... خبصت ... و اكتر منك كمان ... و انا متاكد من هالشي !!!! ....
بس انا و كتير من الطلاب اللي بيصيرمعهم هيك ... مقصرين .... لانه المفروض انه الواحد فينا يكون مستعد تماما للمادة قبل الامتحان باسبوع على الاقل ...
و ساعتها ما بتفرق معه ... حتى ولو قدم الأمتحانين في نفس الساعه ...
اهلين بيك حبيبي .... انا سعيد جدا بردك ...
~žô§ž(AbuKishik .
عدد الرسائل : 9041 العمر : 37 التخصص : A.I.S المـــــزاج : هوايــــتي : النـشــــاط :
[/td][/tr][/table][/center] تاريخ التسجيل : 30/10/2007
موضوع: رد: الحق ع مين ؟ الأحد فبراير 10, 2008 12:02 am
مجدي الأحمد كتب :
اقتباس :
هلا صالح موضوعك كتير مميز كالعادة وانا بدي اجاوبك بصراحة .. وكل سؤال وكل نقطة لحالها: --------------------------------------------
هلا بيك والله ....شكرا مجدي .... و ازداد تميزا بردك حبيبي ... ********************************************
اقتباس :
- يا استاذ صالح احنا صحيح بنحط الحق على الكادر التدريسي بس مو كلهم وخلينا شوي صريحين.. كم واحد في الجامعة من
حملة الدكتوراه!! وللأسف انهم عدد قليل جدا وما الهم دخل بالتخصص كلو وما بدي احكي اسماء لأنهم المفروض معروفين للكل --------------------------------------------
اكيد مش كلهم ... هاي نقطتي الرئيسية ...
اما حملة الدكتوراة يا استاذ مجدي ... خليني اعارضك عليها ....
لانه كل جامعات العالم و أكبرها و أنجحها بتعين حملة درجة الماستر كأساتذة فيها ... و لمعظم التخصصات ... ف ما بتقدر تطالب بانه مدرسينا يكونوا من في الأغلب على الأقل من حملة درجة الدكتوراة ....
و لعلمك يا شريك ... الحراثة اللي في الماستر ... بتأهلك لمنصب أستاذ جامعي ...
و انا شاهد عيان ع الموضوع .... >> عيان ... مش عيّـان ... :razz: اما هدول اللي ما الهم دخل بالتخصص ... انا معك ... و الفكرة وصلت ! .... ********************************************
اقتباس :
بس قلي شو هالجامعة هاي الي في كل فصل الدكتور باخد مادة شكل وتختلف نهائيا عن الي درسها بالفصل الماضي ... --------------------------------------------
مهو مش معقول يكون بروفيسور وفاهم في كل المحاسبة -------------------------------------------
- لا يا شريك .... معقول و اكتر من معقول ....
أصلا شو هي المحاسبة قدام العلوم التانية ؟؟؟ ..... صفر ع الشمال ...
بعدين المحاسبة أصلا ... معرفة نظرية و خبرة عملية لفترة كافية و باكتر من مجال .... بتخلي عندك قدرة هائلة على انك تحدد الحلول المحاسبية بكل سهولة ... و تختار السياسات المحاسبية المناسبة بناءا على قواعد محددة بتتضحلك اكتر و اكتر مع التعمق اكتر فيها ( المحاسبة )سواءا كان هاد التعمق نظري او عملي ...
ف هي مش علم تجريبي ... المحاسبة عبارة عن مشاكل و حلول ... و قياسات و توصيات ... تحليلات .. ثم تنبؤات ...
يعني ... المحاسبة صحيح واسعة ... لكن في نفس الوقت ... هي لعبة فكرية ...بتعتمد على كيفية معالجة مشكلة او موقف و وضع طريقة و منهج لمعالجة هاد الموقف ضمن قواعد و محددات موضوعه مسبقا ... و بحيث نوصل لاهداف حددت مسبقا ...
و ما فيها اشي بحاجة للإكتشاف ... مثل الفيزياء او الكيمياء او الفلك ... لانها نظام من وضعنا احنا ... هدفه تلبية حاجاتنا احنا و كل جديد فيها ... رح يكون من وضعنا احنا كمان .... وضعناه لهدف معين ....يعني احنا بنهندسها متل ما بدنا ...
و اشي وضعه انسان .... مش صعب انه يحيط > بمعظم < جوانبه انسان تاني ... و أظن انه المعظم هاي ... كافية لتكون أحسن أستاذ لأسوء طلاب .... و في أتعس جامعه ..... مش بس للطلاب الكويسين ... **********************************************
اقتباس :
"مثلا" وانا بصراحة انظلمت كثير هاد
الفصل وللعلم فقط انا كان معدلي التراكمي الفصل الماضي 3.64 !! اتخيل ضايلي 0.1 وبوصل امتياز.. بس للأسف في مادة
انظلمت فيها وانت عندك خبر فيها وفي كمان مادتين ما بدي احلف.. بس صدقني اني بستاهل فيهم A وبدون مبالغة بس للأسف
الدكتور صار بيني وبينو موقف ونزلي المادتين C+ وبسببو صار معدلي التراكمي 3.54 وراح علي الامتياز لأنو انا ضايلي بس
30 ساعة وماخد منهم 21 الفصل هاد.. هاد مو تقصير من الكادر التدريسي؟؟ ولا انا السبب؟؟!! -----------------------------------------------
و الله يا أبو شريك مش عارف شو احكيلك ... الله بيعين يا سيدي ... و الله بيعوضك ان شاء الله باشي تاني ...
و كتير بيصير فيهم هيك ... و اكتر من هيك والله .... في ناس بترسب بسبب خطا كتابي .... و في ناس بتفشل في مشروع التخرج بسبب مشرف احسن كلمة ممكن نطلقها عليه " متخلف " ...
و في ناس بتتأخر فصل و فصلين بسبب مادة ... مش لانه رسب ... لانه حضرات التسجيل مش ماخذين بالهم من متطلبات الخريجين ... و ما عندهم استعداد يعترفوا بمادة معينة كمادة بديلة ...
خليها ع الله يا شريك ... ************************************************
اقتباس :
وما ننسى نقطة مهمة كتير
اشارت الها الاخت همس وهي الواسطة وهي فعلا موجودة وكتييييييييييييير.. -----------------------------------------------
- انا معكم .... و شايفها بعيني .... و فوق هيك .. تأثرت فيها مباشرة كمان .... لكن اذا كل اشي بدنا نرجعه للواسطة .... سلامتك ... ولا عمرنا بنتقدم خطوة .....
بعدين الواسطة ... سمة من سمات عصرنا هاد في الاردن و أغلب ...حتى كل البلاد العربية ... ف بدنا نتعامل معها مثل ما بنتعامل مع اللي بيدخنوا .... بنرفضه ... لكن مجبرين نتعايش معه ....
ف لازم نتعامل نواجهها بشكل موازي تماما .... لانه مش رح نقدر نمنعها .... و بنفس الوقت ... مش منطق نوقف محلنا بسببها .... ***************************************************
اقتباس :
- هاي النقطة بصراحة احنا مقصرين فيها كثير.. يعني الواحد فينا ما عندو استعداد للاطلاع على مواضيع خارجية حتى لو توفرت الوسائل المناسبة .. يعني انا بدرس كتب الجامعة وبحمل حالي جميلة.. ------------------------------------------------------
100% يا شريك ... ولا حتى انا كمان !!! .... و مش بحمل حالي جميلة بس ...بمل اللي حواليي جميلة كمان !!! .... *************************************************** - هاي النقطة بتحير.. يعني مرات بكون الها تأثير ومرات لأ.. لانو مرات زي ما حكى الأخ احمد على النظام الجديد للامتحانات المفروض انهم يحطو جدول ما تتعارض فيو المواد.. يعني معقول امتحانات مواد التخصص باسبوع واحد.. ------------------------------------------------------ صح يا شريك .... بس تأثيرها بنقدر احنا نحجّمه .... و نصغره لحدود كبيرة جدا ...
يعني .... لما نعرف انه امتحانات التخصص في اسبوع واحد ... ليش ما نستعد قبل فترة كافية ؟ ... و ما تحكيلي انها ( الفترة ) ما كانت كافية في الامتحانات الماضية ... كانت كافية و نص كمان ........
بعدين مش كل مواد التخصص في اسبوع واحد ؟ .... طيب شو يعني ... مهو لو ظل النظام القديم .... كان أسوء ... ولا مش ذاكر كيف يا شريك ؟؟؟
مهو كان يطلع للواحد امتحانين تخصص في نفس اليوم و تاني يوم ماده تخصص تانية ... كل المواد كانت مع بعض ... في نفس الاسبوع ... لا والله ... هيك أرحم !!!!!!!.. << طبعا انا بحكي عن الفصول اللي قبل توحيد الأمتحانات .... *******************************************************
اقتباس :
بصراحة انا راح اضل اطلع عليها انها فاشلة بس مو كلهم طبعا.. في منهم دكاترة وأساتذة توب و10 على 10 ------------------------------------------------------
طبعا يا شريك .... ع راسي والله .... *******************************************************
- و مين بدوش هيك !!!!!!!!!!!!!!!!!!!! ..... هههههه الحال من بعضه يا شريك !!!! .... *******************************************************
اقتباس :
وما بهمني افهم منهم لأنو على مستوى تخصص المحاسبة كل الي بندرسوا ما الو بالواقع نهائيا وراح تشوف انو التطبيق بالواقع سهل كتير وما بستاهل تدرس 4 سنوات علشانه.. ------------------------------------------------------
سبق و علقت ع هاي الفكرة في ردي على الست همس ... ******************************************************
اقتباس :
اعذروني يا جماعة انا طولت عليكم ------------------------------------------------------
له يا شريك !!! الموضوع موضوعك !!!!! ..... ******************************************************* بصراحة انا مقهور كثير من الجامعة ولقيتها فرصة لأعبر عن رأيي ------------------------------------------------------ و الله يا شريك كلنا مقهوري و بدنا نفقع .... والله يستر .. !!!! .....
و عبر يا سيدي مثل ما بدك .... بحبك لما تعبر ....! ...
موضوع: الحق ع مين ؟ 
الخميس فبراير 07, 2008 6:39 am
...