مزايا صبايا جامعات الأردن..

1- أنا وماما زي الصاحبات، دايما بحكيلها كل إشي، ماما بتعرف عنك كل إشي..
شغل عرط وبس طبعا..

2- كلهم شقر وعينيهم لينسيز ملونة...
يخزي العين .. تقول هاي رجعتهم من السويد.. بتسألها بتحكيلك شو لينسيز؟ هدول عيوني الحئيئيين...

3-كلهم ببعتولك المسج التالي: اتصل فيي ما معي رصيد، وعندي امتحان مش أدره أروح أشتري بطائة..

4- لو سألتها عن أحلى سنين بحياتها رح تحكيلك: ما بين 19 و 23 وبتشرحلك كيف كانت حلوة ومجننة شباب الجامعة وكيف كلهم بركضوا وراها وهي ما كانت تعبرهم...

5- الشاطرة اللي بدها تقهر صاحباتها.. بترن على 1234 وبتنزل عرط وتخويث وعلى آآ حبيبي وشو حياتي و i miss u يا عمري وبشوفك يا baby ..

6- كلهم أخدوا رخصة السواقة بالواسطة... وأكيد هذا واضح من البريكات الخبط أو السرعة اللي ما بتتطلع عن 20 أو حزام الأمان اللي بروح ما ينمزع قد ما هو مشدود..

7- بالجامعة بتطلب ساندوش لبنه- دايما لبنه وإذا بدها تغير بتطلب منئوشة زعتر، والكولا دايت طبعا.. بس ترجع على البيت بتقوم بصدر المنسف لحالها..

8- كلهم بابا بحبهم أكتر وحدة بين إخوانها.. وهي وبابا زي الصحاب وبابا بوخد رأيها بكل إشي..

9- دايما شنتهم مليانة أشياء زاكية، إذا جعت بتلاقي معاهم السيفوي بالشنتة شبس، شوكلاتة، بسكوت، علكة..

10- مواصفات حبيب القلب: فايع وشعره طويل، ومعه سيارة حلوة، موبايله آخر موديل، يعزمها كل يوم ع كوفي شوب، وإذا بشبه توم كروز بكون ممتاز..

مع احترامي لكل البنات.. بدون زعل..
المرة الجاي الدور على الشباب..

ليش يزعلوا؟ .... الموضوع من وحل الواقع .....
بس مش الكل هيك ..... في منهم جد مميزات وفهمانات ............
بس للاسف نسبة بسيطة كثيييييييير ..................
و يلا مجدي ........ شد حيلك .... بدنا نشوف مزايا الشباب .... !!!! .....

ويسلموا ايديك ع الموضوع اللي بيسلي !!!!...

شكرا الك يا صالح.. وانا معك انو في منهم فهمانات وكثير مش شوي..

زائر

ههههههههههههههههههههههههاااااااااااااااااااااااااااااااااااااااااااااااااااااااااااي

ههههههههههههههههههههههههههههههههههههههههههههههههههههههههههههههههههههههههههههههههه

معك حق ....

والله في بنات كتير هيك.........

بس والله مجدي في اشياء بتكون عن جد...

فعلا انا وبابا كنا اصحاب وكنا متفقين.... بس الله يرحمه ويجعل قبره روضه من رياض الجنة

امممممم

اما عن امي
لا كانت عادي علاقه ام ببنتها...

بس بعد ما توفى بابا صرت احكيلها كل شي مشان احسسها باهميتها وقديش هي قريبة مني....
وانها رقم واحد بحياتي...
وفعلا صرت بحكيلها كل شي....

اما عن سندويشة اللبنة.... هههههههههههههههههههههههههها

انسى

انا ما بقوم غير لما اكل كفايتي...

وكفايتي... سندويشة البيرغر والبطاطا والبيبسي اللي مو دايت ومو غلط لو كان في تحلايه شوكولاته او شيبس عادي انا ما بقول لا

ايه قال سندويشه لبنة...

لو يسمعوك صاحباتي بس....هههههههههههههه

بس جد كلامك مزبوط في كتير من هادي الصفات وما بشوف في داعي للبنات انهم يزعلو لانهم همه اللي حبوا المظاهر واختاروا انهم يكزبو بتفاصيل حياتهم بس مشان المظاهر..............

بس برضه كل بيت وكل بني ادم بختلف عن التاني....

وهيها دنيا وبنشوف فيها كتير

يسلمووو اديك على الموضوع والملاحظات اللي فعلا تركت الابتسامه على وجهي لما قرأت

بانتظار المناقشات من شباب وصبايا ...

يللا احكوا...

تسلمي يا فيرست داون على ردك الرائع.. والبقية بحياتك والله يرحم أبوكي ويخليلك أمك..
وأنا معك انو لازم اتكون البنت قريبة من أمها مش بس عشان تحسسها انها مهمة في حياتها كمان عشان كتير بنات بدهم مين يدلهم على الطريق الصح وكتير منهم بحبو انو يكون حدا حاسس فيهم.. ونفس الشي الشباب بحبو يكون حدا مهتم فيهم..
وانا معك انو في بنات بتنطبق عليهم بعض الصفات بس اصابع ايديكي مش واحد.. وانا بعرف بنات في قمة الادب والاحترام بس بنفس الوقت في بنات تصرفاتهم سيئة وفي منهم عنا بالكلية ومعروفين من تصرفاتهم..
مع انو الموضوع للمزح بس في منو بالواقع.. ونفس الشي الموضوع الي عن كذبات الشباب للبنات في القسم العام في منو بالواقع..

زائر

ردك تمام وكلامك صحيح 100%

يسلمو عالموضوع الحلو