محاسبة التكاليف ... برأيك هل كان الامتحان عادلا؟

جاء الامتحان بثلاثة أسئلة

المشكلة ليست هنا، المشكلة أن الشرح الذي أخذناه عن الدكتور لم يأتي منه شيء بالامتحان

حيث جاء السؤال الأول بمصطلحات لا نعرف أغلبها وأما الثاني فقد جاء حسب قائمة الدخل الذي وصلتنا مشوهة عبر تلخيص الدكتور

واما السؤال الثالث فقد جاء على شكل قيود محاسبية لم نعلم قبل دخولنا لقاعة الامتحان أنها مطلوبة منا في الامتحان

الرجاء من الطلاب الذين أخذوا هذا الامتحان بشكل خاص وباقي الطلاب بشكل عام أن يجيبوني على هذا السؤال:

هل كان الامتحان عادلاً؟ وما الحلول المقترحة لمواجهة هذه الكارثة التي حلت علينا؟

الله يكون بعونكم

يا شباب نصيحة اما ترفعو شكوى للدكتورة لونا او تنسو الموضوع

وبكرا رح تتفاجأو انه في كم واحد جابو 20 ومش بعيد انه اي واحد فيكم يكون جايب 20

وانا متأكد انه اغلب الي رح يوخدو 20 ما بستحقوها

اسألو المجرب

المشكلة إنه سعيد نعيمات مش دكتور


لكن لو إنه دكتور كان قرأ المراجع إلي نصحنا فيها وبعدين لخصها و شرح إلنا الملخص

مش يعطينا مادة مش متماشية مع المادة الداخلة بالإمتحان


انا بحكي الحل هو تقديم عريضة للعميد موقعة من مالا يقل عن نصف الشعبة, بعترضوا على الإمتحان مع المطالبة بإعادة النظر بشرح الدكتور سعيد و إعادة النظر بمؤهلاته الأكاديمية

شكرا للجميع على الافادة والنصيحة والمشاركة

بس أنا بعتقد إنه هذا الكلام راح يكون على الفاضي، وأثبتت تجارب كثيرة إنه رفع عريضة للعميد أو لرئيس القسم راح تسبب بما يلي:

1- راح يعرف الدكتور مين وقع على العريضة ويحقد عليهم ويرسبهم بالمادة
2- القوانين الجامعية كلها بتصب بمصلحة الدكتور وليست بمصلحة الطالب
3- زملاء الدكتور راح يوقفوا في صفه وراح يكون في تحيز في تطبيق القانون

قبل شوي دارت ببالي فكرة، انه واحد او مجموعة من الطلاب يقدموا شكوى للجرائد أو الاذاعات، لأنه تأثيرها راح يكون أقوى وراح تخلي رئيس الجامعة بنفسه يتصل تلفون بالعميد ويحكيله حل المشكلة، عندها يمكن تنحل، بس بشرط هذا الشخص أو المجموعة ما حدا يعرفهم وما يحكوا انهم رايحين يقدموا شكوى، قدموا الشكوى على السكيت بدون ما حدا يدرى وانسوا الموضوع وما تجيبوا سيرته، أما بعد ما تخلصوا من عنده، ساعيتها لو عرف ما راح نسأل لأنه خلصنا من عنده.

كل يلي ذكرتيه صحيح 100% وبالنسبة للحل يلي اقترحتيه:

اقتباس :

فبرأي متا ما حكيت يا محمود الاعتراض مارح يجيب نتيجه
اهم شي انكم تعملوا منيح بالامتحان التاني
وتدرسوا على غير شرح سعيد نعيمات

بعتقد انه هذا هو الحل الأكثر منطقية في ظل هذه الظروف

وأنا بالفعل اليوم صورت كتاب محاسبة التكاليف لأبو نصار وهو نفس الكتاب يلي اعتمده الدكتور غالب ابو رمان لطلابه

الامتحان كان كثير سهل بس للطالب يلي درس من هذا الكتاب لأنه الأسئلة اجت مباشرة

شكرا كتير براءة على الاقتراح الجميل، وبالنسبة لي راح أعمل فيه، لأنه برأي هو الحل الأنسب لي وللكل

ليش محمود انتو من شو كنتوا تدرسوا؟

معظمنا للأسف الشديد كان يدرس من شرح وتلخيص الدكتور سعيد نعيمات

اقتباس :

انا شفت تلخيص دكتور سعيد
والمشكله انها مادة اداريه اكتر من تكاليف
يعني انا ما اخدت هالاشياء بالتكاليف
هلأ باخدها بالاداريه
دكتور غالب ودكتور محمد هم الي بيحطوا الاسئله
وشرحهم كتير مرتب
وفيه كل شي
انا اخدت الماده عند دكتور محمد على الصيفي
وكانت كتير حلوه وسهله..
الماده سهله ادرسوها من عند الكاتره التانيين..

أنا فعلا صورت كتاب أبو نصار المعتمد من غالب أبو رمان

لأنه باعتقادي هذا هو الحل الأكثر منطقية

شكرا همس على الاقتراح والنصيحة