سؤال للصبايا والشباب؟؟؟؟؟؟

ما رح أكون سطحي و أحكي جسمها

و لا رح أعمل حالي معقد و أحكي عقلها

انا بدي بنت تكون بسيطة, و مع ذلك معقدة

حنونة, و مع ذلك بتأخذ قرارات جريئة

بدي إياها أنثى و بس

أكثر إشي مابفهموا بالبنات : ليش في فئة من البنات بتتصرف زي كأنها شباب, أو كأنها روح شب داخل جسد صبية ؟؟

عنجد ليش؟؟؟

موضوع حلو كتيير...
بصراحة بيعجبني بالشباب لما يكونو جادين..
بحب الجدية فيهم..
وبكره فيهم المسخرة... كتير منهم بتمسخرو"مسخرة مؤذية وما في أي داعي الها" عالبنات...
وهادا ما بحبه أبدا..
اللي ما بفهمه فيهم كيف بيئدر "معظمهم" يحلفو بعض بشرف خواتهم او بشرف امهم؟؟ كيف بيرضوها لبعض؟؟

تحياتي الك لطرح الموضوع... اختك:
sweety

sweet heart كتب:

موضوع حلو كتيير...
بصراحة بيعجبني بالشباب لما يكونو جادين..
بحب الجدية فيهم..
وبكره فيهم المسخرة... كتير منهم بتمسخرو"مسخرة مؤذية وما في أي داعي الها" عالبنات...
وهادا ما بحبه أبدا..
اللي ما بفهمه فيهم كيف بيئدر "معظمهم" يحلفو بعض بشرف خواتهم او بشرف امهم؟؟ كيف بيرضوها لبعض؟؟

تحياتي الك لطرح الموضوع... اختك:
sweety

سويت هارت

هاذا أسلوب من بعض الشباب لتأكيد الخبر من الطرف الأخر

و هو أسلوب - زي ما حكيتي - مش هالأسلوب

بس بيعين الله

شكرا الك اخت زيرو على الموضوع الرائع

انا بالنسبة الي اكتر بعجبني في البنات الاخلاق والروح الطيبة وانهن يكونو واعيات والجمال العادي

واكتر شي بكرهو هو قلة عقل بعضهم وتفاهة حياتهم ومواضيعهم وتصرفاتهم

العفو وشكرا للجميع على المرور الحلو
وانا بعجبني بالشب انو يكون هادي وعاقل وجدي بس برضو دمه خفيف بالوقت المناسب ومتواضع
وبشغل مخه الي اعطاه اياه ربنا

والي بتعجب منه او ما بفهمو
هو سؤال كتير بسالوه البنات....بس ما بعرف اجاوب عليه
فصار عندي فضول اعرف جوابه

انو الشباب بس ييجو يحكو للبنت انهم بحبوها
اول كلمه بحكوها انو بخاف تزعلي؟؟؟؟
طيب ليه تزعل ؟؟؟انو في حد بحبها؟؟؟

انا بدي اجاوبك زيرو من وجهة نظري

لأنه الشب في البداية لما يتعرف على البنت بالعادة بتعرف عليها على اساس الصداقة

حتى يعرف عنها اكتر وانها بتستاهل يحبها او لأ؟؟

فلما يفكر انه يقلها انه بحبها ما بكون بعرف شو هو بالنسبة الها..؟؟ صديق..؟ زميل..؟ ..؟

وبعتقد الشب لو انها ما بتبادله الشعور نفسه انه رح يخسرها..

بس هاد الاسلوب مو كل الشباب بتيعوه لأنه لكل واحد اسلوبه وشخصيته

مجدي الأحمد كتب:

انا بدي اجاوبك زيرو من وجهة نظري

لأنه الشب في البداية لما يتعرف على البنت بالعادة بتعرف عليها على اساس الصداقة

حتى يعرف عنها اكتر وانها بتستاهل يحبها او لأ؟؟

فلما يفكر انه يقلها انه بحبها ما بكون بعرف شو هو بالنسبة الها..؟؟ صديق..؟ زميل..؟ ..؟

وبعتقد الشب لو انها ما بتبادله الشعور نفسه انه رح يخسرها..

بس هاد الاسلوب مو كل الشباب بتيعوه لأنه لكل واحد اسلوبه وشخصيته

مشكور مجدي عالجواب
وجوابك منطقي
يعني الي بحكي انو ما في صداقه بين الشب والبنت كلامو صح؟؟؟

اقتباس :

يعني الي بحكي انو ما في صداقه بين الشب والبنت كلامو صح؟؟؟

لا مو هيك القصة زيرو..

انا كنت بقصد انه الشب لما يعجب في بنت على الاغلب رح يتعرف عليها على اساس الصداقة

بس هو من داخله بكون معجب حتى اذا ما عجبته البنت ما بكون ضحك عليها وما بكون أذاها

وبالعكس في كثير علاقات صداقة بين الشباب والبنات

ومو كل شب بكون حاب يتعرف على اساس الصداقة معجب

اقتباس :

وبالعكس في كثير علاقات صداقة بين الشباب والبنات

ومو كل شب بكون حاب يتعرف على اساس الصداقة معجب

وانا هيك بحكي كمان مجدي
بس الناس الي حوالي مقتنعين انو مستحيل يكون في صداقه بجد بين الشب والبنت

مشكور مجدي