لو كنت مكان سمير شو بتساوي ؟

القصة هاي عن شب و بنت عنا بالجامعة

إذا حدا حس إنه في تشابه بين القصة وبين الواقع فهذا بمحض الصدفة

نبدا الان
سمير و لمار طلاب عنا بالجامعة

سمير, زيه زي باقي الشباب , بحكي مع بنات بالجامعة

أيام التوجيهي, سمير حب بنت و جرحته فحرم يحكي لبنت " أنا بحبك "

لمار , بنت محترمة, علاقته مع أي شب هي علاقة زمالة بريئة ( مش من بنات ورا الجامعة )

سمير تعرف على لمار لما كان سنة اولى بإحدى المواد و صارت علاقتهم علاقة زمالة محضة

تصادف إنهم كانو يوخذو مواد متشابهة (سمير محاسبة ولمار نظم محاسبية )

سميرحب أخلاق لمار و حب يطور العلاقة من علاقة زمالة لعلاقة صداقة بريئة

بس سمير خاف من إشي واحد

" لو حكيت للمار انا بحبك, شو ممكن يصير ؟ هل ممكن ترفض و أخسرها كزميلة و كصديقة عزيزة ؟ "

لو إنك مكان سمير,,,, شو بتساوي ؟؟؟

ما تبخلو بأرأكم

بما انه العلاقة وصلت بينهم لأصحاب...
ولو كنت مكان سمير.. بحكيلها انه بدي احكي معها بموضوع...
بس بيتفئ معها بالأول انه ازا كانت موافئته على اللي بدو يحكيلها اياه.. بتمشي الأمور..
وازا مو موافئته بضلهم اصحاب وعادي.. وببينلها انه ما بدو يخسر صحبتها أبدا..
وبيحكيلها انه معجب بشخصيتها كتير.. لدرجة انه بحبها من كل ئلبه...
ومن ردة فعل البنت بيعرف ازا موافئته أو لأ... وازا ما صار نصيب بينهم...
بضلو اصحاب عادي... ممكن تتوتر شوي الأمور بينهم بأول فترة..بس بعدين ان شالله بيرجعو اصحاب وما بخسرها
وكل شي ئسمة ونصيب بالآخر
أختك:
sweety

أنا شايف انه يفكر بمنطقية شوي، قادر يتحمل مسؤولية زي هاي؟، ولوين راح توصل الأمور في النهاية؟، ولو صارت العلاقة جدية كتير ممكن يتوجها بالزواج؟ ولا ما عنده القدرة؟

لو افترضنا مثلا انه ما عنده الامكانيات التي ذكرتها آنفاً، فالأفضل انه يضلو صحاب وما يخسرها

أما اذا مش قادر يكتم، فالأفضل انه يصارحها بكل وضوح وشفافية، زبطت زبطت ما زبطت خلص هذا هو القدر والنصيب

وفي مقولة مرة سمعتها من أحد الحكماء

كن ذاتك، وكن صريحاً مع الناس، لا تخشى أن يكرهوك، فمهما فعلت فهناك أشخاص يحبونك وأشخاص يكرهونك، تصرف بشكل طبيعي فإنك لن تستطيع أن تجعل الأشخاص الذين يكرهونك يحبوك مهما قدمت لهم من الخير، لا تقلق ولا تبحث عن الحب، فالحب يأتي لوحده، من يحبك فعلاً لن ينتظر منك أن تقدم التضحيات، فهو يحبك أنت، يحب ذاتك، ولا ينتظر منك شيئاً بالمقابل

sweet heart كتب:: بما انه العلاقة وصلت بينهم لأصحاب...
ولو كنت مكان سمير.. بحكيلها انه بدي احكي معها بموضوع...
بس بيتفئ معها بالأول انه ازا كانت موافئته على اللي بدو يحكيلها اياه.. بتمشي الأمور..
وازا مو موافئته بضلهم اصحاب وعادي.. وببينلها انه ما بدو يخسر صحبتها أبدا..
وبيحكيلها انه معجب بشخصيتها كتير.. لدرجة انه بحبها من كل ئلبه...
ومن ردة فعل البنت بيعرف ازا موافئته أو لأ... وازا ما صار نصيب بينهم...
بضلو اصحاب عادي... ممكن تتوتر شوي الأمور بينهم بأول فترة..بس بعدين ان شالله بيرجعو اصحاب وما بخسرها
وكل شي ئسمة ونصيب بالآخر
أختك:
sweety

شكرا على مروركم تكريتي و sweet heart