تخيل في فصل الشتاء.........

اصدقائي نحن الان نعاني من العدد الهائل من الدفعة الجديدة
والان الاغلبية لا تجد مكان للجلوس او الوقوف
وحتى الازمة على الدرج وفي الممارات
تخيلو اصدقائي معي في فصل الشتاء والجو الممطر البارد
اكثر من 90% من الطلاب سوف يكونو موزعين في الممارات وعلى الدرج وعلى المدافئ ....
حبيت اطرح هذا الموضوع علشان اعرف شو رأيكم

والله يا باشا انا بعدي طالب مدرسة

مالي مصلحة بالموضوع

بس شو بدي اقول غير حسبكم الله ع كل واحد من المسؤولين عندو حل ومو سائل فيكم

انشالله الصبر مفتاح .....

مشكور عبودي

والله دايما بسال حالي هالسؤال
والله يستر علينا ويحمينا من الكوارث الي رح تصير

مشكور عبود عالموضوع

الله يستر ,,,,,,,
راح نصير نقعد فوق بعض البعض الله يعينا اذا بدون مطر ولا شتى و الجامعة مو واسعة كيف في الشتى Shocked

الله بعين

انا ما بدي اتخيل ..

خلص المحاضرة وروح على البيت هاد احسن حل ..

وضعنا صعب والله يا حج

Crying or Very sad

خلص المحاضره وروح على البيت!!
والي عنده بريك 3 ساعات شو يعمل!!! Mad

رح ناكل هوا
ونضل مريضين
وغير الدخان بالممرات من الي ما بيستحوا tosheh

من الوضع اللي بجنن ..

رح تصير ترويحتك على البيت بال 3 ساعات وتردي ترجعي اهون

الحمدلله إثنين أربعاء من الجامعة للشغل ركض

اما احد ثلاثاء خميس

فعندي بريك ساعتين بصير اقضي اقرأ بهالرواية و انا بستنا لاب الألفا

يا ماماااااااااااااااااااااااااا

ما بدي اتخيل

الله كبير يا عبود وما بنسى حدا وبعدين ماله الشتا
برد ومرض وبهدله
عاااااااااااااااااااااااااااادي

بصراحة ازا انتو كتير متدايئين من هادا التخيل.. انا مبسوطة
الشتا أحلى فصل عندي واللي بدو يعرفني بلائيني الوحيدة اللي برا الممرات وبرا المباني... بنص الساحة تحت المطر... Smile

يا شباب ويا صبايا "تفاءلو بالخير تجدوه"
اتفاءلو وارسمو البسمة على وجوهكم مشان نخلي كليتنا أحلى كلية
تحياتي الكم.. اختكم:
sweety

يا سويتي ما بتوقع في حدا ما بيحب الشتا هو الخير وفصل الحب والحزن الجميل
وأنا كمان بحب أمشي تحت المطر
بس احنا بنعلق على كليتنا
يعني مثلا أنا بدخن بشراهة وفي طلاب وطالبات كتير بتحسسوا من ريحة الدخان ومش معقول بين كل محاضرة والتانية
أنزل لنص الساحة عشان أدخن
وكمان في ناس حسساسين وتنفسهم صعب في الزحمة
وانت بتعرفي كيف بتكون الممرات بالصيف أزمة فكيف بالشتا؟

آه معك حئ من ناحية الدخان... لازم نتناقش بموضوع الدخان في الممرات
كتير مزعج وبدايئ النفس... بصراحة يعني وبدون زعل المفروض يمنعو الدخان في الممرات وفي المباني..
واللي بدو يدخن يدخن برا... مشان نمنع أذية الناس التانيين..
والله في الشتا راح يكون الوضع صعب كتير من هالناحية!!!

والله معك حق

وبالفعل بعين الله

يعني بدخلو 500 على الكلية وبتخرج 10 وهدا اكيد هو سبب المشكلة

وتقبلو تحياتي

على فكره يا جماعه
US AIDe
هم الي بانين مبنى الاداره
وبعتوا ببجامعه رساله انه انتهى عمر المبنى
وانه خلص ما بيصير استعماله
ويعني يمكن على وشك انه يوقع
فكركم عملوا شي!!!

لا هينا بنفوت المبنى باعداد هائله
ورح نصير اكتر بالشتاا
يعني الله يسترناا
وهدا الكلام د اديب بنفسه حكاه للطلاب

sweet heart كتب:: لازم نتناقش بموضوع الدخان في الممرات
كتير مزعج وبدايئ النفس... بصراحة يعني وبدون زعل المفروض يمنعو الدخان في الممرات وفي المباني..
واللي بدو يدخن يدخن برا... ..
والله في الشتا راح يكون الوضع صعب كتير من هالناحية!!!

انا معك كمان من هذه النا حية
انا واحد من الشباب طبيعتي ما بحب الدخان وبضايق من اصدقائي الي بدخنوا
وخاصة في الممرات
الله يفرجها علينا في فصل الشتاء

شكرا اصدقائي على المرور والردود

sweet heart كتب:: بصراحة ازا انتو كتير متدايئين من هادا التخيل.. انا مبسوطة
الشتا أحلى فصل عندي واللي بدو يعرفني بلائيني الوحيدة اللي برا الممرات وبرا المباني... بنص الساحة تحت المطر...

مش لحالك

رح تلاقيني بدخن عند الدوار

والله يا شباب مو عارفه شو بدنا نعمل
لانه كمان بالشتا الكل بكون محصن حاله بخمس بلايز وجكيت وكبوت
يعني كل واحد من الطلاب رح ياخد مكان ضعف اللي كان ياخده بالصيف
ومارح نلائي مكان نقعد فيه والدكاتره الله يخليهم بس يسمعوا صوت بالممر بسير يبهدلوا ويحكوا انزلوا تحت
بس بدي اعرف شو رح يكون موقفهم بالشتا
وبالنسبه للدخان والله هاد شي كتير مزعج وخاصه بهالزحمه
يعني يوم الاحد الماضي في شب كان يدخن بالممر وكان الازمه كتير كبيره فمشيت انا من جبنه وهوه عم يدخن
فالاخ رفع ايده مشان يدخن ومن كتر مافي زحمه مو قادر يرفع ايده
فحرقلي بلوزتي
يعني بصراحه ادايئت انا كتير والشب بكل بساطه اسف مو بئصدي
يعني الشغله بدها شويه زوئ

Sad

broo2a كتب:: يعني يوم الاحد الماضي في شب كان يدخن بالممر وكان الازمه كتير كبيره فمشيت انا من جبنه وهوه عم يدخن
فالاخ رفع ايده مشان يدخن ومن كتر مافي زحمه مو قادر يرفع ايده
فحرقلي بلوزتي
يعني بصراحه ادايئت انا كتير والشب بكل بساطه اسف مو بئصدي
يعني الشغله بدها شويه زوئ

يا اصدقائي
انا بنصح عدم التدخين في الممرات وخاصة عند الزحمة لانة زي ماحكت صديقتنا براءة
تخيل لو انت حصل معك مثل هدا الموقف شو بتعمل

كيف اصدقائي كان معكم الشتاء والازمة في الممرات
كيف كان الجو معكم

جو الشتا رهيب..
بس الأزمة خانقة...
المأساة لما يصير تدخين في الممرات وينفخو الدخان يوجوهنا..
يا ريت لو الأمن يتحركو ويمنعو التدخين في المباني والممرات!!
ولا بس الأكل والشرب ممنوعين!!؟
تحياتي الك لمتابعة الموضوع.. اختك:
sweety

مجرد التفكير بالموضوع بخوف يللا الله يعينا و يمشي الشتا من دون اصابات هههههههههههههه
skull

@ Abody @ كتب:: كيف اصدقائي كان معكم الشتاء والازمة في الممرات
كيف كان الجو معكم

الشتا إجا على غفلة و قليل المستعدين إلو

مع إني كنت لابس جاكيت جينز خفيف

بس طلعت أتقفد الرعية تحت المطر Very Happy