مغرورة

لا تعتبر رفضها للكلام معك شوفة حال

بالعكس هاد احترام اذا كنت بتعرف انا ما بتحكي مع حدا

اما بالنسبة انك انت حابب تحكي معها

انا بهاي مو معك بالمرة

لانو الي ما بتحبوا لخواتك اكيد ما بتحبوا لبنات الناس

واشكرك على طرح الموضوع بصراحة

ازا فعلا حاببها كتيير... حاول تورجيها اهتمامك فيها..بكل أدب
البنت بطبعها بتحب اهتمام اللي حواليها فيها...
وبما انك راح تحكي معها بأدب... يا اما بتئبلك يا اما راح ترفضك بس بأدب وزوء...
المهم بتكون ورجيتها اهتمامك فيها وحاولت معها... وهيك ما راح تندم بحياتك انك ضيعت أي فرصة معها
ومو معناها انها ما حكت معك مغرورة... بس يمكن يكون عندها مبادئ... دايما فكر بالأمور بايجابية
وازا ما صار نصيب بينكم أكيد ربنا بكون اختار الأحسن للطرفين..
تحياتي الك.. أختك:
sweety

أنا برأيي ازبلها وانسى الموضوع كله

بلا حب ، بلا بنات ، بلا قرف

مع احترامي لرأيك سوسن

ليش يغلب حاله، البنت أغلى اشي عندها سمعتها وشرفها، والشب أغلى اشي عنده كرامته

هذه اما ما بدها أو حابة تعذبه، والبنات (عدم المؤاخذة) على قفى مين شيل، بعدين اذا حبها ، وبعدين؟ عنده قدرة يتزوجها؟ لأنه اذا ما عنده القدرة المالية ينسى الموضوع، وإذا مفكر انه يحبها من هون ليكون حاله حرام يشنطط بنات الناس، وكلنا نعرف انه غير هيك حرام شرعا وذوقا وأخلاقا

بعدين نحنا الشباب ما عنا مشكلة في هذا الموضوع ، هو بس الحب الأول صعب بعدين بصير متعود، لو ساب مليون وحدة ما تفرق معه، وراح ينسى وأنا متأكد انه راح يلاقي أحسن منها، وبالآخر كل واحد ما بياخذ إلا نصيبه

سيبها وانسى الموضوع ولو كانت بتحبك راح تحاول تحكي معك أو تتواصل بأي طريقة، انت طنش، لأنه احتمال تفتقد وجودك وتتعلق فيك لما تتركها، هذا اشي غريب، بس ممكن يحصل، واذا ما حصل خلص ما لك نصيب، وسلم بأمر الله والقدر وانسى الموضوع

انا برايي انك تعمل المستحيل عشان ما تخسرها
وهي مش شرط تكون شايفه حالها...ممكن انها استحت..او ما عرفت تتصرف ...بس
ونصيحتي الك حاول مره تانيه وتالته كمان...اذا انت بتشوفها بتستاهل
بس اهم شي لا تطول كتير بالموضوع لانه البنات بشكل عام بملو بسرعه
يعني ما تخلي الموضوع بس نظرات ومن بعيد لبعيد..حاول تتقرب منهاوتكون صريح معها من البدايه
يعني حط النقط على الحروف

وبتمنالك التوفيق اذا كانت خير الك

انا برأي انك اتسرعت بالحكم...

يمكن مش مغرورة.. يمكن هاد الظاهر بس... يمكن سكوتها بوحي انها مغرورة...

انت ما عرفت البنت ... ولا حكيت معها او عاملتها ...

انا بحكي تريح حالك وتريحها.. وتروح تحكي معها بكل صراحه...

ومن رده فعلها وكلامها هي انت بتعرف شو رأيها...


اما تنهي اعجابك فيها على فرضيات هاد غلط...

لا تخليها تروح هيك بدون ما تحاول...

بعدين صرحاتك هاي ما بتقلل من قيمتك لو حكيت معها بكل جديه ووضوح وبدون مقدمات...

بالعكس.. رح تعطي انطباع انك ما عندك لف ودوران .. وزلمه عارف شو بدك .. وما بدك تضيع وقتك متل المراهقين ....




ولا تنسى يمكن هي تكون بتلتخم كمان...او حتى ما بتعرف شو تحكي...


طولت عليك بالحكي...

بس سؤال صغير (فيرست داون) يعني لو فرضنا انك انتي مكان هذي البنت، كيف كنتي راح تتصرفي؟

وبعد ما تجاوبي الي رد ثاني

ليه لنفرض؟؟

انااصلا مكان هاي البنت !!!

وما تسألني على التفاصيل.. بس بشكل عام بلتخم بس اشوفه ... وما بعرف اتصرف.. بعمل حالي مو شايفته لما يكون قريب مني ...

جد ما بعرف ليه!!

وما بنكر اهتمامي بهاد الشخص...

والحل لهاد الموضوع انه الشب يتحرك ويجي يحكي مع البنت بكل صراحه ...
وانا مش مقتنعه بح ولا اي عضو من الاعضاءاللي فوق...


رووح يا عمو احكي معها بكل صرااااااااحه وبكل زلوميه ولا تخلي قصتك معها تصير زي المراهقين...

هاد اتطع علي.. ي ي ي اتطلعت علي.. ييي ضحكت...


روووح واتوكل على الله .. هيك حتى لو حكتلك لا.. بتكون انت ارتحت .. وصلت لجواب... لنهايه !!!

وان شا الله ازا ربنا كاتبلك الخير... بوفقك معها...

شفتي أنا هذا يلي بدي ياه يوصل

اقتباس :

بس بشكل عام بلتخم بس اشوفه ... وما بعرف اتصرف.. بعمل حالي مو شايفته لما يكون قريب مني ...

جد ما بعرف ليه!!

الشغلة مش سهلة وتربك الطرفين، والكلام مع البنت هو الحل الوحيد زي ما اتفضلتي

بس أنا ما بدي ياه يبني أحلام وطموحات ويتفاجئ بالنتيجة لأنه النتيجة مش مضمونة وممكن البنت ترفض

وأنا معك مليون % انه لازم يروح ويحكي معها، بس اذا رفضت بنصحه ما يكرر المحاولة ابدا ولا بأي شكل وينسى الموضوع

وأنا بظن انه تعدى هذه المرحلة لأنه كتب

اقتباس :

حاولت أحكي معها ولما قعدت جنبها ما طلع معي حكي وحتى هي ما سألتني ليش هيك تصرفت
وبعدين حاولت كتييييييير وعالفاضي لأنها ما أعطتني مجال بالمرة

أنا بنصحه إذا حاول وحكى معها وما أعطته مجال خلص ينسى الموضوع، وبصراحة أكتر بحكي هيك عن تجربة مريت فيها حصلت معي ومع بنت تقريباً بنفس هذه الصفات، هي مغرورة أو معقدة نفسياً ولا شو قصتها ما بعرف ولا بدي أعرف ولا بهمني أعرف، حاولت مش مرة أكتر من مرة وخلص زهقت ، بعدين أقنعت حالي انه هيك أحسن وبكير على تحمل مسؤولية كبيرة زي هاي وانسيت الموضوع ، وبالعكس هذا الموقف خلاني ما أسأل عن أي وحدة مين ما كانت تكون، ما بدها تمشي زي ما بدي مع ألف سلامة

الله خلق الشباب والبنات أشكال وألوان وصفات وأفكار مختلفة، عشان يكون في دايما بدائل

الأمور اذا ما مشيت بهذا التسلسل

نظرة > ابتسامة > موعد > لقاء

ينسى الموضوع

وشكرا لك على المشاركة
وبتمنالك التوفيق في دراستك وفي حياتك
وآسف على الاطالة

أخوك: محمود

الصورة يلي فوق ما لها دخل بالموضوع بس بتعبر عن رغبتي في التخلص من الرفاهية في كليتنا الموقرة عن قريب باذن الله !!!

محمود انت كتير متناقض...
اولها كنت بترفض وبتحكي للشب ينسى الموضوع واستخدمت تعبير انه يزبلها....


تاني شي ليه انت حاقد هيك؟؟؟
البنت اللي كانت عاجبتك ليه بتحكي عنها مريضه وللا معقده...؟؟
مهي هاي المعقدة نفسيا هي البنت اللي كانت عاجبتك...

بعدين انت غلطان... ليه تحاول اكتر من مرة؟؟؟

اعمل خطوة جدية... وخلص
ربنا اللي بوفق وبعوض...

اقتباس :

محمود انت كتير متناقض...
اولها كنت بترفض وبتحكي للشب ينسى الموضوع واستخدمت تعبير انه يزبلها....

الشب كان كاتب انه حكى معها وحاول اكتر من مرة وما أعطته مجال (راجعي كلامه) عشان هيك حكتله ازبلها، بس لما شفت الكل بحكيله احكي معها، حكيت بالحرف الواحد اذا ما سبق وحاولت تحكي معها روح احكي معها (راجعي تعليقي الأخير) وبهيك بكون ما في تناقض بالعكس تكامل.

اقتباس :

تاني شي ليه انت حاقد هيك؟؟؟
البنت اللي كانت عاجبتك ليه بتحكي عنها مريضه وللا معقده...؟؟
مهي هاي المعقدة نفسيا هي البنت اللي كانت عاجبتك...

أنا مش حاقد وما حكيت عنها مريضة أو معقدة، أنا حكيت بالحرف الواحد "مش عارف هي مغرورة أو معقدة نفسياً أو شو قصتها، ما بعرف ولا بدي أعرف ولا بهمني أعرف" وما اتهمتها بأي اشي، ولو كنت حاقد عليها كنت عملت زي أي شب وانتقمت منها، وفضحتها وحكيت اسمها للكل وأنا ما عملت هيك، صح؟ اذن أنا مش حاقد ولا بكرهها، القصة ببساطة تعرفت على وحدة والأمور ما زبطت وسبنا بعض، الأمور بهذه البساطة، أنا ما بحقد، واذا أي شب أو بنت بدهم يحقدوا علي ما ببدالهم الحقد، لأنه الحقد راح يدمرهم في النهاية.

اقتباس :

بعدين انت غلطان... ليه تحاول اكتر من مرة؟؟؟

ما حكيت اني ملاك، وما بغلط، أنا غلطت

اقتباس :

اعمل خطوة جدية... وخلص

عملتها والموضوع خلص انتهى